Numeros 31:10

Ang Biblia 2011

Gisunog nila ang tanang kalungsoran sa mga dapit diin sila magpuyo ug ang tanan nilang mga kampo,

Cross References

Genesis 25:16

Mao kini ang mga anak nga lalaki ni Ismael ug ang ilang mga ngalan, sumala sa ilang mga lungsod ug sumala sa ilang mga banay, napulo ug duha ka pangulo sumala sa ilang mga panimalay.

1 Mga Hari 9:16

(ang Paraon nga hari sa Ehipto mitungas ug gikuha ang Geser ug gisunog kini sa kalayo ug gipamatay ang mga Canaanhon nga nagpuyo sa siyudad ug gihatag kini ingon nga bugay sa iyang anak nga babaye, ang asawa ni Solomon,

Isaias 1:7

Ang inyong yuta nahimong awaaw, ang inyong kalungsoran nangasunog; sa inyong atubangan ang mga langyaw naglamoy sa inyong yuta; ug nahimo kining awaaw ingon nga daw gilumpag sa mga langyaw.

Numeros 31:11

ug gidala nila ang tanan nga inilog ug ang tanan nga dinakpan, mga tawo ug mga mananap.

Numeros 31:9

Ug ang katawhan sa Israel mibihag sa kababayen-an sa Midian ug sa ilang mga kabataan, ug gisakmit ang tanan nilang mga baka ug ang tanan nilang mga panon ug ang tanan nilang bahandi.

Josue 6:24

Ug ilang gisunog sa kalayo ang siyudad ug ang tanan nga anaa niini. Ang plata lamang ug bulawan ug ang mga sudlanan nga bronsi ug puthaw maoy ilang gibutang sa panudlanan sa balay sa Ginoo.

Gipadayag 18:8

busa sa usa lamang ka adlaw mangabot ang iyang mga katalagman, ang kamatay, kasubo ug gutom, ug siya sunogon pinaagi sa kalayo, kay gamhanan ang Ginoong Dios nga mao ang naghukom kaniya.”

1 Samuel 30:1

Sa diha nga si David ug ang iyang mga tawo miabot sa Ziklag sa ikatulo nga adlaw, ang mga Amalekanhon misulong na sa Negeb ug sa Ziklag. Ilang nailog ang Ziklag ug gisunog kini sa kalayo,