Numeros 30:3

Ang Biblia 2011

O sa diha nga usa ka babaye magsaad ug usa ka panaad ngadto sa Ginoo ug maghigot sa iyang kaugalingon sa usa ka katungdanan, samtang anaa siya sa balay sa iyang amahan sa iyang pagkabatan-on,

Cross References

2 Cronicas 36:13

Siya misukol usab batok kang Hari Nabucodonosor nga nagpapanumpa kaniya pinaagi sa Dios; gipatikig niya ang iyang liog ug gipagahi ang iyang kasingkasing batok sa pagbalik ngadto sa Ginoo, ang Dios sa Israel.

Salmo 50:14

Paghalad ngadto sa Dios ug halad sa pasalamat, ug ihatag ang imong mga gipanaad ngadto sa Labing Halangdon;

Levitico 27:2

“Sultihi ang katawhan sa Israel: Sa diha nga ang usa ka tawo maghimo ug pinasahi nga panaad nga tawo ngadto sa Ginoo, sumala sa imong paghatag ug bili,

Numeros 30:2

Sa diha nga ang tawo magsaad ug usa ka panaad ngadto sa Ginoo, o manumpa ug usa ka panumpa nga maghigot sa iyang kaugalingon uban sa usa ka katungdanan, dili gayod niya lapason ang iyang pulong, magbuhat gayod siya sumala sa tanan nga mogula sa iyang baba.

Numeros 30:4

unya ang iyang amahan makadungog sa iyang panaad ug sa katungdanan nga gihigot sa iyang kaugalingon ug maghilom mahitungod kaniya, ang tanang mga panaad magpadayon ug ang tanang katungdanan nga naghigot sa iyang kaugalingon magpadayon.

Numeros 6:2

“Sultihi ang katawhan sa Israel: Sa diha nga ang usa ka lalaki o usa ka babaye maghimo ug pinasahi nga panumpa, ang panumpa sa Nazareo, aron sa paggahin sa iyang kaugalingon alang sa Ginoo,

1 Mga Taga-Corinto 14:34

ang mga babaye kinahanglang maghilom diha sa mga iglesia kay wala itugot kanila ang pagsulti, hinuon kinahanglang magpaubos sila sumala sa giingon sa balaod.

Josue 9:18

Apan wala sila patya sa katawhan sa Israel kay ang mga pangulo sa ilang katilingban nanumpa na kanila pinaagi sa ngalan sa Ginoo, ang Dios sa Israel. Unya ang tibuok katilingban nagbagulbol batok sa mga pangulo.

Mga Maghuhukom 11:35

Ug sa pagkakita ni Jefta kaniya, iyang gigisi ang iyang bisti ug siya miingon, “O akong anak! Gipasubo nimo ako ug ikaw nahimong hinungdan sa dakong kasamok alang kanako kay gibuka nako ang akong baba ngadto sa Ginoo ug dili nako mabakwi ang akong panumpa.”

1 Samuel 1:11

Nagsaad siya ug miingon, “O Ginoo sa mga panon, kon ikaw magsud-ong sa kasakit sa imong ulipon nga babaye ug mahinumdom kanako ug dili kalimtan ang imong ulipon nga babaye, hinuon mohatag sa imong ulipon nga babaye ug usa ka anak nga lalaki, ako maghalad kaniya alang sa Ginoo sa tanang adlaw sa iyang kinabuhi, ug walay labaha nga modapat sa iyang ulo.”