Numeros 30:2

Ang Biblia 2011

Sa diha nga ang tawo magsaad ug usa ka panaad ngadto sa Ginoo, o manumpa ug usa ka panumpa nga maghigot sa iyang kaugalingon uban sa usa ka katungdanan, dili gayod niya lapason ang iyang pulong, magbuhat gayod siya sumala sa tanan nga mogula sa iyang baba.

Cross References

Job 22:27

Ikaw maghimo sa imong mga pag-ampo ngadto kaniya ug siya magpatalinghog kanimo, ug ikaw magtuman sa imong mga panaad.

Salmo 116:14

magbayad ako sa akong mga panaad sa Ginoo, diha sa atubangan sa tanan niyang katawhan.

Salmo 116:18

Magbayad ako sa akong mga panaad sa Ginoo diha sa atubangan sa tanan niyang katawhan,

Salmo 119:106

Nakapanumpa ako ug gipamatud-an nako kini, nga ako magbantay sa matarong nimong mga tulumanon.

Salmo 15:3

siya nga wala magbutangbutang pinaagi sa iyang dila, ug wala magbuhat ug daotan ngadto sa iyang higala, wala usab magpasipala batok sa iyang isigkatawo;

Salmo 22:25

Kanimo naggikan ang akong pagdayeg taliwala sa dakong katilingban; akong tumanon ang akong mga saad atubangan sa mga may kahadlok kaniya.

Salmo 50:14

Paghalad ngadto sa Dios ug halad sa pasalamat, ug ihatag ang imong mga gipanaad ngadto sa Labing Halangdon;

Salmo 55:20

Ang akong kauban nagbakyaw sa kamot batok sa iyang mga higala, naglapas siya sa ilang kasabotan.

Salmo 56:12

Tumanon gayod nako ang akong mga panaad kanimo, O Dios; ihalad nako kanimo ang mga halad sa pasalamat.

Salmo 76:11

Pagsaad kamo sa Ginoo nga inyong Dios ug tumana kini; padad-a ug mga gasa ang tanan nga naglibot kaniya, ngadto kaniya nga takos kahadlokan,

Exodo 20:7

“Ayaw gamita sa walay kapuslanan ang ngalan sa Ginoo nga imong Dios kay ang Ginoo dili mag-isip nga walay sala niadtong naggamit sa walay kapuslanan sa iyang ngalan.

Mga Panultihon 20:25

Usa ka lit-ag alang sa usa ka tawo ang pag-ingon sa hinanali, “Balaan kini,” ug maghunahuna lamang human mahimo ang iyang mga panaad.

Levitico 5:4

O kon may tawo nga magdalidali sa pagsulti ug panumpa sa pagbuhat ug daotan o sa pagbuhat ug maayo, sa bisan unsang mga butang nga ang tawo magdalidali sa pagsulti uban ang panumpa, ug kini wala niya mahibaloi, kon mahibaloan na niya kini, sad-an siya sa usa niining mga butanga.

Nahum 1:15

Tan-awa, ibabaw sa kabukiran ang mga tiil niadtong nagdala sa mga maayong balita, nga nagsangyaw sa pakigdait! Himoa ang inyong mga kasaulogan, O Juda, tumana ang inyong mga panaad, kay dili na gayod mosulong kaninyo ang daotan, nalaglag na gayod siya.

Numeros 21:2

Ug ang Israel naghimo ug panumpa ngadto sa Ginoo ug miingon, “Kon imong itugyan kining maong katawhan sa akong kamot, laglagon gayod nako ang ilang mga siyudad.”

Numeros 30:10

Ug kon nanaad siya diha sa balay sa iyang bana o naghigot sa iyang kaugalingon sa katungdanan sa panumpa,

Numeros 32:24

Pagtukod kamo ug mga kinutaang siyudad alang sa inyong mga kabataan, ug mga toril alang sa inyong mga karnero, ug buhata ang tanan ninyong gisaad.”

Mateo 23:16

“Alaot kamo, mga giya nga buta nga nag-ingon, ‘Kon adunay manumpa tungod sa Templo, wala kanay bili apan kon may manumpa tungod sa bulawan sa Templo, nahigot siya sa iyang panumpa.’

Mateo 23:18

Ug kamo nag-ingon, ‘Kon may manumpa tungod sa halaran, wala kanay bili apan kon may manumpa tungod sa halad nga anaa sa halaran nahigot siya sa iyang panumpa.’

Mga Buhat 23:12

Sa pagkabuntag na, ang mga Judio naghimo ug usa ka laraw, ug ubos sa panumpa nagsinaaray nga dili sila mangaon ug manginom hangtod nga ilang mapatay si Pablo.

Mga Buhat 23:14

Ug miadto sila sa mga pangulong pari ug sa mga kadagkoan ug miingon, “Ubos sa panumpa, nagsinaaray kami sa higpit gayod nga dili kami motilaw sa bisan unsang pagkaon hangtod nga among mapatay si Pablo.

Mga Buhat 23:21

Apan ayaw pagpadani kanila kay kapin sa 40 sa ilang mga tawo anaa nag-atang karon kaniya, nanumpa nga sila dili mangaon o manginom hangtod nga mapatay nila siya. Ug karon andam na sila, nagpaabot sa imong pag-uyon.”

2 Mga Taga-Corinto 1:23

Apan ako nagtawag sa Dios ingon nga saksi batok sa akong kinabuhi—aron malikay kamo sa kasakit wala na lang ako moanha diha sa Corinto.

Mga Maghuhukom 11:11

Busa si Jefta miadto uban sa mga kadagkoan sa Gilead, ug ang katawhan mihimo kaniya nga pangulo ug tigdumala ibabaw kanila. Ug si Jefta misulti sa tanan niyang mga pulong sa atubangan sa Ginoo didto sa Mispa.

Mga Maghuhukom 11:39

Sa kataposan sa duha ka bulan, siya mipauli ngadto sa iyang amahan, nga naghimo ngadto kaniya sumala sa iyang panaad nga iyang gihimo. Wala gayod siya makasinati ug lalaki. Ug kini nahimong usa ka batasan didto sa Israel,