Numeros 30:15

Ang Biblia 2011

Apan kon ang bana maghimo niana nga walay bili human siya makadungog niini, ang bana maoy magpas-an sa kalapasan sa asawa.”

Cross References

Levitico 5:1

“Kon adunay tawo nga makasala ingon nga siya nakadungog man ug tawag sa pagsaksi, ug nga bisan tuod siya saksi, kay nakakita man siya o nahibalo apan siya dili mosulti, siya magpas-an sa iyang sala.

Numeros 30:12

Apan kon ang iyang bana maghimo niini nga walay bili sa adlaw sa pagkadungog niya, ang tanan nga migula sa iyang mga ngabil mahitungod sa iyang mga panaad o mahitungod sa katungdanan sa iyang kaugalingon dili magpadayon. Ang iyang bana maghimo niini nga walay bili ug ang Ginoo magpasaylo kaniya.

Numeros 30:14

Apan kon ang iyang bana magpakahilom sa matag adlaw, sa ato pa nga mitugot siya sa tanang mga panaad niya o sa tanang mga katungdanan nga anaa ibabaw kaniya, siya nagpalig-on niana, tungod kay mihilom man siya sa adlaw nga siya nakadungog mahitungod niini.

Numeros 30:16

Kini mao ang mga lagda nga gisugo sa Ginoo kang Moises tali sa usa ka tawo ug sa iyang asawa, tali sa amahan ug sa iyang anak nga babaye nga anaa pa sa iyang pagkabatan-on diha sa balay sa iyang amahan.

Numeros 30:5

Apan kon ang iyang amahan mopugong kaniya sa adlaw nga makadungog siya, walay bisan usa sa iyang mga panaad o sa iyang mga katungdanan nga gihigot niya sa iyang kaugalingon nga magpadayon, ug ang Ginoo magpasaylo kaniya kay ang iyang amahan nagpugong man kaniya.

Numeros 30:8

Apan kon ang iyang bana magpugong kaniya sa adlaw nga siya makadungog niini, dili niya ipapadayon ang panaad sa iyang asawa ug ang hinanali nga gibungat sa iyang mga ngabil nga naghigot sa iyang kaugalingon, ug ang Ginoo magpasaylo kaniya.

Mga Taga-Galacia 3:28

Walay Judio o Grego, walay ulipon o gawasnon, walay lalaki o babaye, kay kamong tanan usa ra diha kang Cristo Jesus.