Numeros 30:13

Ang Biblia 2011

Ang tanan nga panaad ug ang tanan nga panumpa nga naghigot sa pagsakit sa kaugalingon mahimong tugotan sa iyang bana o himoon sa iyang bana nga walay bili.

Cross References

Esdras 8:21

Unya ako nagpahibalo ug usa ka pagpuasa didto sa suba sa Ahava, aron kami magpaubos sa among kaugalingon sa atubangan sa among Dios, sa pagpangita gikan kaniya sa usa ka tul-id nga dalan alang kanamo, alang sa among mga kabataan ug sa tanan namong kabtangan.

Salmo 35:13

Apan ako, sa dihang nasakit sila, nagbisti ako ug sako, gisakit nako ang akong kalag pinaagi sa pagpuasa, Nag-ampo ako nga nagduko ang ulo,

Isaias 58:5

Mao ba kini ang pagpuasa nga akong gipili: usa ka adlaw alang sa tawo aron magpaubos sa iyang kaugalingon? Kini aron ba nga iduko niya ang iyang ulo sama sa bugang, ug magbukhad sa bisti nga sako ug abo sa ilalom niya? Tawgon ba nimo kini nga pagpuasa, ug usa ka adlaw nga kahimut-an sa Ginoo?

Levitico 16:29

“Kini mahimong usa ka lagda hangtod sa kahangtoran alang kaninyo. Sa ikapito nga bulan, sa ikanapulo nga adlaw sa bulan, hikawi ninyo ang inyong mga kaugalingon ug ayaw kamo pagbuhat ug bisan unsa, lumad man o dumuduong nga nagpuyo sa taliwala kaninyo,

Levitico 23:27

“Apan sa ikanapulo nga adlaw niining ikapito nga bulan mao ang Adlaw sa Pagtabon sa Sala. Kini mao ang panahon sa balaan nga panagtigom ug hikawi ninyo ang inyong kaugalingon ug paghalad kamo ug halad pinaagi sa kalayo alang sa Ginoo.

Levitico 23:32

Kini alang kaninyo usa ka adlaw nga igpapahulay sa balaan nga pahulay ug maghikaw kamo sa inyong kaugalingon, sa ikasiyam nga adlaw sa bulan, gikan sa gabii hangtod sa sunod nga gabii. Tumana ninyo ang inyong adlaw nga igpapahulay.”

Numeros 29:7

“Sa ikanapulo nga adlaw niining ikapito nga bulan, maghimo kamo ug usa ka balaan nga panagtigom ug maghikaw sa inyong kaugalingon, dili kamo magbuhat ug bisan unsa nga buluhaton.

Numeros 30:12

Apan kon ang iyang bana maghimo niini nga walay bili sa adlaw sa pagkadungog niya, ang tanan nga migula sa iyang mga ngabil mahitungod sa iyang mga panaad o mahitungod sa katungdanan sa iyang kaugalingon dili magpadayon. Ang iyang bana maghimo niini nga walay bili ug ang Ginoo magpasaylo kaniya.

Numeros 30:14

Apan kon ang iyang bana magpakahilom sa matag adlaw, sa ato pa nga mitugot siya sa tanang mga panaad niya o sa tanang mga katungdanan nga anaa ibabaw kaniya, siya nagpalig-on niana, tungod kay mihilom man siya sa adlaw nga siya nakadungog mahitungod niini.

1 Mga Taga-Corinto 11:3

Apan buot nako nga inyong sabton nga ang ulo sa matag lalaki mao si Cristo ug ang ulo sa babaye mao ang iyang bana ug ang ulo ni Cristo mao ang Dios.

1 Mga Taga-Corinto 11:9

Ug ang lalaki wala usab buhata alang sa babaye, kondili ang babaye hinuon alang sa lalaki.

1 Mga Taga-Corinto 7:5

Ayaw hikawi ang usa ug usa gawas kon magsabot kamo alang sa usa ka panahon, aron sa paggahin ug panahon sa pag-ampo, ug pagduol na usab kamo aron dili kamo matintal ni Satanas tungod sa kakulang ninyo ug pagpugong sa kaugalingon.