Numeros 30:12

Ang Biblia 2011

Apan kon ang iyang bana maghimo niini nga walay bili sa adlaw sa pagkadungog niya, ang tanan nga migula sa iyang mga ngabil mahitungod sa iyang mga panaad o mahitungod sa katungdanan sa iyang kaugalingon dili magpadayon. Ang iyang bana maghimo niini nga walay bili ug ang Ginoo magpasaylo kaniya.

Cross References

Jeremias 44:17

Apan buhaton namo ang tanan nga among gipaanad, ang pagsunog ug insenso alang sa rayna sa langit, ug pagtagay ug halad nga ilimnon alang kaniya, sama sa among gihimo, kami ug ang among mga katigulangan, ang among mga hari ug ang among mga prinsipe, sa mga siyudad sa Juda ug sa kadalanan sa Jerusalem kay kami kaniadto daghan ug pagkaon, ug miuswag, ug wala makakita ug kadaotan.

Jeremias 44:19

Ug ang mga babaye miingon, nga nagsunog kami ug insenso alang sa rayna sa langit, ug sa nagtagay ug halad nga ilimnon alang kaniya, wala bay pag-uyon niini ang among mga bana, nga kami maghimo ug pan alang kaniya sama sa iyang dagway ug nagtagay ug ilimnon alang kaniya?”

Numeros 15:25

Unya ang pari maghimo ug pagtabon sa sala alang sa tibuok nga katilingban sa katawhan sa Israel ug sila pasayloon kay kadto usa man ka sayop, ug sila nagdala sa ilang halad, usa ka halad pinaagi sa kalayo ngadto sa Ginoo ug ang ilang halad tungod sa sala sa atubangan sa Ginoo, alang sa ilang sayop.

Numeros 15:28

Ug ang pari maghimo sa pagtabon sa sala alang niadtong tawo nga nasayop, sa diha nga makasala siya nga wala tuyoa sa atubangan sa Ginoo, aron sa paghimo sa pagtabon sa sala alang kaniya ug siya pasayloon.

Numeros 30:11

ug ang iyang bana nakadungog niana ug siya maghilom mahitungod kaniya ug wala magpugong kaniya, ang tanan niyang mga panaad magpadayon ug ang tanan nga mga katungdanan nga gihigot niya sa iyang kaugalingon magpadayon.

Numeros 30:13

Ang tanan nga panaad ug ang tanan nga panumpa nga naghigot sa pagsakit sa kaugalingon mahimong tugotan sa iyang bana o himoon sa iyang bana nga walay bili.

Numeros 30:5

Apan kon ang iyang amahan mopugong kaniya sa adlaw nga makadungog siya, walay bisan usa sa iyang mga panaad o sa iyang mga katungdanan nga gihigot niya sa iyang kaugalingon nga magpadayon, ug ang Ginoo magpasaylo kaniya kay ang iyang amahan nagpugong man kaniya.

Numeros 30:8

Apan kon ang iyang bana magpugong kaniya sa adlaw nga siya makadungog niini, dili niya ipapadayon ang panaad sa iyang asawa ug ang hinanali nga gibungat sa iyang mga ngabil nga naghigot sa iyang kaugalingon, ug ang Ginoo magpasaylo kaniya.

1 Mga Taga-Corinto 11:3

Apan buot nako nga inyong sabton nga ang ulo sa matag lalaki mao si Cristo ug ang ulo sa babaye mao ang iyang bana ug ang ulo ni Cristo mao ang Dios.

1 Samuel 1:23

Si Elkana nga iyang bana miingon kaniya, “Buhata kon unsa ang maayo alang kanimo. Hulata nga malutas nimo siya, ug itugot unta sa Ginoo nga matuman ang iyang giingon.” Busa ang babaye nagpabilin ug nagpasuso sa iyang anak hangtod nga siya nalutas.