Numeros 3:9

Ang Biblia 2011

Itugyan ang mga Levihanon ngadto kang Aaron ug sa iyang mga anak nga lalaki, sila gihatag gayod gikan sa katawhan sa Israel.

Cross References

1 Cronicas 15:2

Unya si David miingon, “Walay si bisan kinsa nga modala sa sudlanan sa kasabotan sa Dios gawas sa mga Levihanon, kay ang Dios nagpili kanila aron sa pagdala sa sudlanan sa kasabotan sa Dios ug sa pag-alagad kaniya hangtod sa kahangtoran.”

1 Cronicas 6:33

Kini sila mao ang mga tawo nga nag-alagad, ug ang ilang mga anak nga lalaki. Sa mga anak nga lalaki sa mga Kohatihanon: si Heman nga mag-aawit nga anak ni Joel nga anak ni Samuel,

Esdras 2:43

Ang mga alagad sa Templo: ang mga kaliwat ni Ziha, ang mga kaliwat ni Hasufa, ang mga kaliwat ni Tabaot,

Esdras 6:18

Unya ilang gipahiluna ang mga pari sumala sa ilang mga hut-ong ug ang mga Levihanon sumala sa ilang katungdanan alang sa pag-alagad sa Dios sa Jerusalem sumala sa nasulat sa basahon ni Moises.

Esdras 8:20

gawas sa 220 ka alagad sa templo, nga gigahin ni David ug sa iyang mga tinugyanan alang sa pag-alagad sa mga Levihanon. Kini silang tanan gihinganlan gayod.

Numeros 16:9

Daw gamay ba lamang nga butang alang kaninyo nga ang Dios sa Israel naggahin kaninyo gikan sa katilingban sa Israel, sa pagdala kaninyo duol ngadto kaniya, sa pag-alagad sa Tolda sa Ginoo ug sa pagbarog sa atubangan sa katilingban aron sa pag-alagad kanila,

Numeros 18:2

Ug uban kanimo dad-a usab ang imong kaigsoonan nga lalaki, ang banay ni Levi, ang banay sa imong amahan, aron sila motabang kanimo ug mag-alagad sila kanimo, samtang ikaw ug ang imong mga anak nga lalaki uban kanimo adto sa atubangan sa tolda sa pagpamatuod.

Numeros 3:8

Ug sila ang magdumala sa tanang mga kasangkapan sa tolda nga tagboanan ug sa paghimo sa mga buluhaton alang sa katawhan sa Israel samtang mag-alagad sila diha sa Tolda.

Numeros 8:14

“Sa ingon niana, ilain nimo ang mga Levihanon gikan sa taliwala sa katawhan sa Israel ug ang mga Levihanon mahimong akoa.

Numeros 8:16

Kay gihatag nimo sila kanako nga bug-os gayod gikan sa taliwala sa katawhan sa Israel ingon nga puli sa tanang nakapaabli sa taguangkan, ang mga kamagulangan sa tanang mga anak sa Israel, akong gikuha sila alang kanako.

Numeros 8:18

Ug gikuha nako ang mga Levihanon ingon nga puli sa tanang mga kamagulangan sa katawhan sa Israel.

Numeros 8:19

Ug akong gihatag ang mga Levihanon ingon nga gasa kang Aaron ug sa iyang mga anak nga lalaki gikan sa taliwala sa katawhan sa Israel, aron magbuhat sila sa pag-alagad sa katawhan sa Israel diha sa tolda nga tagboanan ug sa paghimo sa pagtabon sa sala alang sa katawhan sa Israel aron walay katalagman sa taliwala sa katawhan sa Israel, sa diha nga moduol ang katawhan sa Israel sa balaang dapit.”

Mga Taga-Efeso 4:11

Ug ang iyang mga gasa mao nga ang uban mahimong mga apostoles, ang uban mga propeta, ang uban mga ebanghilista, ang uban mga pastor ug mga magtutudlo,

Mga Taga-Efeso 4:8

Busa kini giingon, “Sa pagsaka niya sa kahitas-an, nagdala siya ug panon sa mga binihag; ug ngadto sa mga tawo, siya naghatag ug mga gasa.”