Numeros 3:5

Ang Biblia 2011

Unya ang Ginoo miingon kang Moises,

Cross References

Jeremias 33:18

ug ang mga Levihanon nga mga pari dili gayod mawad-an ug tawo sa akong atubangan aron sa paghalad ug mga halad nga sunogon, ug sa pagsunog sa mga halad nga pagkaon, ug sa paghimo sa mga halad nga inihaw hangtod sa kahangtoran.”

Ezequiel 44:11

Sila mahimong mga alagad sa akong balaang dapit, nga may katungdanan sa pagbantay sa mga ganghaan sa Templo, ug mag-alagad sa sulod sa Templo. Sila ang mopatay sa halad nga sunogon ug sa halad alang sa katawhan ug sila magtindog sa atubangan nila aron sa pag-alagad kanila.

Numeros 18:2

Ug uban kanimo dad-a usab ang imong kaigsoonan nga lalaki, ang banay ni Levi, ang banay sa imong amahan, aron sila motabang kanimo ug mag-alagad sila kanimo, samtang ikaw ug ang imong mga anak nga lalaki uban kanimo adto sa atubangan sa tolda sa pagpamatuod.

Numeros 3:4

Apan si Nadab ug si Abihu nangamatay sa atubangan sa Ginoo, sa paghalad nila ug dili balaan nga kalayo sa atubangan sa Ginoo didto sa kamingawan sa Sinai, ug sila walay mga anak. Ug si Eleasar ug si Itamar nag-alagad ingon nga mga pari samtang buhi pa si Aaron nga ilang amahan.

Numeros 3:6

“Paduola ang banay ni Levi ug ipahimutang sila sa atubangan ni Aaron nga pari, aron sila mag-alagad kaniya.

Numeros 8:11

Unya ihalad ni Aaron ang mga Levihanon sa atubangan sa Ginoo ingon nga halad nga binayaw alang sa katawhan sa Israel, aron maangkon nila ang buhat sa pag-alagad sa Ginoo.