Numeros 3:38

Ang Biblia 2011

Ug ang magkampo sa atubangan sa Tolda dapit sa silangan, sa atubangan sa tolda nga tagboanan nga nag-atubang sa silangan, mao si Moises ug si Aaron ug ang iyang mga anak nga magdumala sa buluhaton sa balaang dapit, alang sa katawhan sa Israel ug ang walay labot nga moduol patyon.

Cross References

1 Cronicas 23:32

Sa ingon sila ang mag-atiman sa tolda nga tagboanan ug sa balaang dapit ug mag-atiman sa mga anak nga lalaki ni Aaron nga ilang mga kaigsoonan, alang sa pag-alagad diha sa balay sa Ginoo.”

Numeros 1:51

Sa diha nga ang Tolda dad-on na, ang mga Levihanon maoy maghipos niini ug sa diha nga ang Tolda pabarogon, ang mga Levihanon maoy magtukod niini ug ang walay labot nga magpaduol niini patyon.

Numeros 1:53

Apan ang mga Levihanon magpahiluna libot sa tolda sa pagpamatuod, aron walay kaligutgot nga moabot sa katilingban sa katawhan sa Israel, ug ang mga Levihanon magdumala sa tolda sa pagpamatuod.”

Numeros 2:3

Ang magkampo dapit sa silangan sa adlaw mao ang bandila sa kampo ni Juda sumala sa ilang mga panon, ug ang pangulo sa mga kaliwat ni Juda mao si Nason nga anak ni Aminadab,

Numeros 3:10

Ug itudlo nimo si Aaron ug ang iyang mga anak nga lalaki, ug sila magtuman sa ilang pagkapari, ug kon ang walay labot moduol, patyon siya.”

Numeros 3:23

Ang mga panimalay sa mga Gersonhanon magkampo sa likod sa Tolda dapit sa kasadpan.

Numeros 3:29

Ang panimalay sa mga anak nga lalaki ni Kohat magkampo sa habagatang bahin sa Tolda.

Numeros 3:35

Ug ang pangulo sa mga sa banay sa katigulangan sa mga panimalay ni Merari mao si Zuriel nga anak ni Abihail. Sila magkampo sa amihanan bahin sa Tolda.

Numeros 3:37

Lakip usab niini ang mga haligi nga naglibot sa hawanan, ang mga tungtonganan niini, ang mga ugsok ug ang mga higot nga pisi.