Numeros 3:36

Ang Biblia 2011

Ug ang natudlo nga katungdanan sa mga anak nga lalaki ni Merari mao ang mga tabla nga porma sa Tolda, ang mga babag niini, ang mga haligi niini, ang mga tungtonganan ug ang tanang mga galamiton, ug ang tanang mga buluhaton mahitungod niini.

Cross References

Exodo 26:32

Ug ikaw-it nimo kini sa ibabaw sa upat ka haligi nga akasya nga gisapawan ug bulawan nga may mga kaw-itanan nga bulawan, sa ibabaw sa upat ka tungtonganan nga plata.

Exodo 26:37

Ug alang sa tabil pagbuhat ug lima ka haligi gikan sa kahoy nga akasya ug sapawi kini ug bulawan. Ang ilang mga kaw-it kinahanglan nga bulawan, ug paghimo ug lima ka tungtonganan nga bronsi alang niini.

Exodo 35:11

ang Tolda, ang sapaw nga tolda ug ang tabon niini, ang mga kaw-it niini, ang mga tabla niini, ang mga yayongan niini, ang mga haligi niini, ang mga tungtonganan niini,

Exodo 35:18

ang mga ugsok sa Tolda ug ang mga ugsok sa hawanan ug ang mga pisi niini,

Exodo 36:36

Ug gibuhatan nila kini ug upat ka haligi gikan sa kahoy nga akasya ug gisapawan nila kini ug bulawan, ang mga kaw-it niini bulawan, ug naghimo sila alang niini ug upat ka tungtonganan nga plata.

Exodo 39:33

Ug gidala nila ang Tolda ngadto kang Moises, ang Tolda ug ang tanang kasangkapan niini, ang mga kaw-it niini, ang mga tabla niini, ang mga yayongan niini, ang mga haligi niini, ug ang mga tungtonganan niini,

Numeros 3:35

Ug ang pangulo sa mga sa banay sa katigulangan sa mga panimalay ni Merari mao si Zuriel nga anak ni Abihail. Sila magkampo sa amihanan bahin sa Tolda.

Numeros 3:37

Lakip usab niini ang mga haligi nga naglibot sa hawanan, ang mga tungtonganan niini, ang mga ugsok ug ang mga higot nga pisi.

Numeros 7:8

Ug upat ka karomata ug walo ka baka ang gihatag niya sa mga kaliwat ni Merari sumala sa ilang pag-alagad ubos sa pagdumala ni Itamar nga anak ni Aaron nga pari.