Numeros 3:3

Ang Biblia 2011

Mao kini ang mga ngalan sa mga anak nga lalaki ni Aaron, ang mga pari nga gidihogan, nga iyang gigahin aron mag-alagad ingon nga mga pari.

Cross References

1 Cronicas 23:6

Unya gibahin sila ni David sumala sa mga anak nga lalaki ni Levi: si Gerson, si Kohat ug si Merari.

Exodo 28:41

Ug ipasul-ob kini kang Aaron nga imong igsoon ug sa iyang mga anak uban kaniya, ug dihogi sila ug gahina sila ug balaana aron sila mag-alagad kanako ingon nga mga pari.

Exodo 40:13

Ug isul-ob kang Aaron ang mga bisti nga balaan, ug dihogi siya ug ihalad siya aron siya mag-alagad kanako ingon nga pari.

Exodo 40:15

Dihogi sila sama sa pagdihog nimo sa ilang amahan aron sila mag-alagad kanako ingon nga mga pari ug ang pagdihog kanila maghimo kanila nga pari sa dayon hangtod sa tanan nilang mga kaliwatan.”

Levitico 8:12

Ug gibuboan niya ug lana nga igdidihog ang ulo ni Aaron ug gidihogan niya aron sa pagbalaan kaniya.

Levitico 8:30

Unya mikuha si Moises ug lana nga igdidihog ug dugo nga diha sa ibabaw sa halaran ug giwisik kini kang Aaron ug sa iyang mga bisti ug sa iya usab nga mga anak nga lalaki ug sa ilang mga bisti. Ug gibalaan niya si Aaron ug ang iyang mga bisti ug ang iyang mga anak nga lalaki ug ang ilang mga bisti.

Numeros 3:4

Apan si Nadab ug si Abihu nangamatay sa atubangan sa Ginoo, sa paghalad nila ug dili balaan nga kalayo sa atubangan sa Ginoo didto sa kamingawan sa Sinai, ug sila walay mga anak. Ug si Eleasar ug si Itamar nag-alagad ingon nga mga pari samtang buhi pa si Aaron nga ilang amahan.

Mga Hebreo 7:28

Sa pagkatinuod, ang Balaod nagtudlo ug mga tawo nga may kaluyahon ingon nga mga labawng pangulong pari, apan ang pulong sa panumpa, nga miabot human sa Balaod, nagtudlo ug Anak nga nahimong hingpit hangtod sa kahangtoran.