Numeros 3:10

Ang Biblia 2011

Ug itudlo nimo si Aaron ug ang iyang mga anak nga lalaki, ug sila magtuman sa ilang pagkapari, ug kon ang walay labot moduol, patyon siya.”

Cross References

2 Samuel 6:7

Ug ang kasuko sa Ginoo misilaob batok kang Uzza ug ang Dios naglaglag kaniya didto tungod kay iyang gibutang ang iyang kamot sa sudlanan sa kasabotan ug didto namatay siya tupad sa sudlanan sa kasabotan sa Dios.

1 Mga Hari 12:31

Ug naghimo siya ug mga balay diha sa habog nga dapit ug nagtudlo ug mga pari gikan sa tanang katawhan nga dili gikan sa mga Levihanon.

1 Cronicas 6:32

Sila nag-alagad pinaagi sa pag-awit sa atubangan sa tabernakulo sa tolda nga tagboanan, hangtod nga natukod ni Solomon ang balay sa Ginoo didto sa Jerusalem, ug sila nagbuhat sa ilang pagpangalagad diha sa kahapsay.

Nehemias 6:11

Apan ako miingon, “Moikyas ba ang usa ka tawo nga sama kanako? Ug kinsa bang tawhana nga sama kanako nga mosulod sa Templo ug mabuhi? Dili ako mosulod.”

Exodo 29:9

Ug baksi sila sa mga bakos, si Aaron ug ang iyang mga anak nga lalaki ug kaloi sila ug maangkon nila ang pagkapari pinaagi sa walay kataposang tulumanon. Sa ingon niana igahin nimo si Aaron ug ang iyang mga anak nga lalaki.

Ezequiel 44:8

Ug wala ninyo bantayi ang akong mga butang nga balaan, hinuon gitudlo ninyo ang mga langyaw aron magbantay diha sa akong balaang dapit.

Levitico 22:10

“Ang tagagawas dili makakaon sa mga butang nga balaan. Ang usa ka dumuduong sa pari o usa ka sinuholan dili makakaon sa butang nga balaan.

Numeros 1:51

Sa diha nga ang Tolda dad-on na, ang mga Levihanon maoy maghipos niini ug sa diha nga ang Tolda pabarogon, ang mga Levihanon maoy magtukod niini ug ang walay labot nga magpaduol niini patyon.

Numeros 16:10

ug nga siya nagdala kanimo duol kaniya ug ang tanan nimong kaigsoonan nga mga kaliwat ni Levi uban kanimo? Ug nagtinguha usab kamo sa pagkapari?

Numeros 16:35

Ug migula ang kalayo gikan sa Ginoo ug milamoy sa 250 ka tawo nga naghalad sa insenso.

Numeros 16:40

aron mahimong pahinumdom alang sa katawhan sa Israel, nga walay bisan kinsa nga dili pari, nga dili gikan sa kaliwatan ni Aaron, nga moduol sa paghalad ug insenso sa atubangan sa Ginoo aron siya dili mahisama kang Korah ug sa iyang kaubanan sumala sa gisulti sa Ginoo kang Eleasar pinaagi kang Moises.

Numeros 18:3

Magtuman sila sa imong sugo ug sa katungdanan sa tibuok nga Tolda, apan dili sila moduol sa mga galamiton sa balaang dapit ug sa halaran, kay tingali unya ug sila ug ikaw mamatay.

Numeros 18:7

Ug ikaw ug ang imong mga anak uban kanimo magtuman sa inyong pagkapari alang sa tanang butang sa halaran ug sa anaa sa sulod sa tabil, ug mag-alagad kamo. Ako naghatag kaninyo sa pagkapari ingon nga gasa sa pag-alagad, ug ang walay labot nga moduol kinahanglang patyon.”

Numeros 3:11

Unya ang Ginoo miingon kang Moises,

Numeros 3:38

Ug ang magkampo sa atubangan sa Tolda dapit sa silangan, sa atubangan sa tolda nga tagboanan nga nag-atubang sa silangan, mao si Moises ug si Aaron ug ang iyang mga anak nga magdumala sa buluhaton sa balaang dapit, alang sa katawhan sa Israel ug ang walay labot nga moduol patyon.

Roma 12:7

kon pag-alagad, diha sa pagpangalagad; ang nagtudlo, diha sa iyang pagpanudlo;

Mga Taga-Efeso 2:19

Busa, kamo karon dili na mga langyaw ug mga dumuduong, kondili mga katagilungsod na sa mga balaan ug mga sakop na sa panimalay sa Dios.

Deuteronomio 18:5

Kay ang Ginoo nga inyong Dios nagpili kaniya gikan sa tanan ninyong mga banay aron sa pagbarog ug sa pag-alagad sa ngalan sa Ginoo, siya ug ang iyang mga anak nga lalaki hangtod sa kahangtoran.

Mga Hebreo 8:4

Karon, kon siya ania pa sa yuta, dili gayod unta siya mahimong pari, kay dinhi sa yuta aduna may mga pari nga naghalad ug mga gasa sumala sa Balaod.

Mga Maghuhukom 17:5

Ug ang tawo nga si Mikeas may usa ka balay sa mga dios, ug naghimo siya ug usa ka ephod ug gagmayng mga larawan ug mihimo sa usa sa iyang mga anak nga lalaki nga iyang pari.

1 Samuel 6:19

Iyang gipatay ang pipila ka tawo sa Bet-semes tungod kay sila mitan-aw sa sulod sa sudlanan sa kasabotan sa Ginoo. Iyang gipatay ang 70 ka tawo gikan kanila, ug ang mga tawo nagbangotan tungod kay ang Ginoo naghimo ug dakong pagpamatay diha sa katawhan.