Numeros 29:7

Ang Biblia 2011

“Sa ikanapulo nga adlaw niining ikapito nga bulan, maghimo kamo ug usa ka balaan nga panagtigom ug maghikaw sa inyong kaugalingon, dili kamo magbuhat ug bisan unsa nga buluhaton.

Cross References

Esdras 8:21

Unya ako nagpahibalo ug usa ka pagpuasa didto sa suba sa Ahava, aron kami magpaubos sa among kaugalingon sa atubangan sa among Dios, sa pagpangita gikan kaniya sa usa ka tul-id nga dalan alang kanamo, alang sa among mga kabataan ug sa tanan namong kabtangan.

Salmo 35:13

Apan ako, sa dihang nasakit sila, nagbisti ako ug sako, gisakit nako ang akong kalag pinaagi sa pagpuasa, Nag-ampo ako nga nagduko ang ulo,

Isaias 22:12

Niadtong adlawa ang Ginoong Dios sa mga panon, nag-awhag kaninyo aron sa paghilak ug sa pagminatay, ug sa pagpaupaw ug sa pagsul-ob ug sako;

Zacarias 12:10

“Ug ibubo nako ibabaw sa balay ni David ug sa mga nagpuyo sa Jerusalem ang espiritu sa kaluoy ug sa pagpangamuyo, aron nga sa dihang motan-aw sila kaniya nga ilang giduslak, sila magsubo tungod kaniya, sama sa magsubo tungod sa bugtong niyang anak ug maghilak pag-ayo tungod kaniya, sama sa maghilak tungod sa iyang panganay nga anak.

Zacarias 7:3

ug sa paghangyo sa mga pari nga didto sa balay sa Ginoo sa mga panon, ug sa mga propeta, “Magbangutan ba ako ug magpuasa sa ikalima nga bulan, sumala sa akong gibuhat sa daghang katuigan?”

Mateo 5:4

“Bulahan ang mga masulob-on kay sila lipayon.

Lucas 13:3

Dili! Sultihan ko kamo, gawas kon maghinulsol kamo, kamong tanan mangamatay usab sa ingon.

Lucas 13:5

Dili! Sultihan ko kamo, gawas kon maghinulsol kamo, kamong tanan mangamatay usab sa ingon.”

Mga Buhat 27:9

Ug sa milabay na ang taas nga panahon ug kuyaw na ang paglawig tungod kay ang tingpuasa milabay na man, si Pablo mitambag kanila

Roma 6:6

Kita nasayod nga ang atong karaang pagkatawo gilansang sa krus uban kang Cristo aron malaglag ang lawas sa sala ug dili na kita maulipon sa sala.

1 Mga Taga-Corinto 9:27

hinuon gihigpitan nako ang akong lawas ug giulipon kini, kay basin unya ug sa akong pagwali ngadto sa uban, mahimo akong sinalikway.