Numeros 29:12

Ang Biblia 2011

“Sa ikanapulo ug lima nga adlaw sa ikapito nga bulan, kamo maghimo ug usa ka balaan nga panagtigom; dili kamo magbuhat ug bug-at nga buluhaton ug magsaulog kamo alang sa Ginoo sulod sa pito ka adlaw.

Cross References

1 Mga Hari 12:32

Unya si Jeroboam nagtakda ug usa ka kasaulogan sa ikanapulo ug lima nga adlaw sa ikawalo nga bulan, sama sa kasaulogan nga didto sa Juda ug siya naghalad ibabaw sa halaran, sama sa gihimo niya didto sa Betel, naghalad ngadto sa mga nating baka nga iyang gibuhat. Ug iyang gipahimutang sa Betel ang mga pari sa mga habog nga dapit nga iyang gibuhat.

Esdras 3:4

Ug ilang gihimo ang Kasaulogan sa mga Balongbalong ingon nga kini nasulat ug gihalad ang matag adlaw nga mga halad nga sunogon nga inihap sumala sa tulumanon, sumala sa gikinahanglan sa matag adlaw.

Nehemias 8:14

Ug ila kining nakita nga nasulat diha sa Balaod nga ang Ginoo nagsugo pinaagi kang Moises nga ang katawhan sa Israel kinahanglang magpuyo sa mga balongbalong sa panahon sa kasaulogan sa ikapito nga bulan.

Nehemias 8:18

Sa matag adlaw sukad sa unang adlaw hangtod sa kataposang adlaw, siya nagbasa gikan sa basahon sa Balaod sa Dios. Ug ilang gituman ang kasaulogan sulod sa pito ka adlaw ug sa ikawalo nga adlaw adunay balaang panagtigom sumala sa tulumanon.

Exodo 23:16

Kinahanglan nga himoon ninyo ang Kasaulogan sa Pag-ani sa mga unang bunga sa inyong mga paghago, sa inyong gipugas sa uma. Ug himoa ninyo ang Kasaulogan sa Paghipos sa Abot sa kataposan sa tuig, sa dihang hiposon ninyo gikan sa uma ang bunga sa inyong mga paghago.

Exodo 34:22

Tumana ang Kasaulogan sa mga Semana, ang unang mga abot sa trigo, ug ang Kasaulogan sa Pag-ani sa kataposan sa tuig.

Ezequiel 45:25

Sa ikapito nga bulan, sa ikanapulo ug lima nga adlaw sa bulan, panahon sa kasaulogan, himoon niya ang samang pangandam alang sa halad tungod sa sala, sa halad nga sunogon ug sa mga halad nga pagkaon, ug sa lana.

Levitico 23:7

Sa unang adlaw paghimo kamo ug usa ka balaan nga panagtigom, dili kamo magbuhat ug bug-at nga buluhaton.

Numeros 29:1

“Sa unang adlaw sa ikapito nga bulan, maghimo kamo ug usa ka balaan nga panagtigom, dili kamo magbuhat ug bug-at nga buluhaton. Kini mao ang adlaw sa pagpatingog sa mga trumpeta alang kaninyo.

Numeros 29:13

Ug kamo maghalad ug usa ka halad nga sunogon, usa ka halad pinaagi sa kalayo, usa ka kahumot alang sa Ginoo: napulo ug tulo ka nating baka nga laki, duha ka laking karnero, napulo ug upat ka nating karnero nga laki nga tagsa ka tuig ang kagulangon, kini kinahanglang walay tatsa.

Numeros 29:35

“Sa ikawalo nga adlaw maghimo kamo ug balaan nga panagtigom, dili kamo magbuhat ug bug-at nga buluhaton.

Juan 1:14

Ug ang Pulong nahimong tawo ug mipuyo uban kanato ug atong nakita ang iyang himaya, ang himaya nga iyang nadawat gikan sa Amahan ingon nga bugtong Anak, puno sa grasya ug kamatuoran.