Numeros 28:9

Ang Biblia 2011

“Ug sa adlaw nga igpapahulay, duha ka nating karnero nga laki nga usa ka tuig ang kagulangon nga walay tatsa, ug duha ka ikanapulo nga bahin sa usa ka epha nga pinong harina ingon nga usa ka halad nga pagkaon nga sinagolan ug lana ug ang halad nga ilimnon niini.

Cross References

2 Mga Hari 4:23

Ug siya miingon, “Nganong moadto man ikaw kaniya niining adlawa? Dili man unta bag-ong bulan o adlaw nga igpapahulay.” Ug siya miingon, “Mahimo ra kana.”

2 Cronicas 2:3

Unya si Solomon nagpadala ug mensahe kang Hiram nga hari sa Tiro nga nag-ingon, “Ikaw nakigsabot kang David nga akong amahan ug nagpadala kaniya ug mga cedro aron sa pagtukod ug usa ka balay nga puluy-anan alang kaniya.

2 Cronicas 2:4

Tan-awa, ako magtukod ug usa ka balay alang sa ngalan sa Ginoo nga akong Dios, ug kini ihalad alang kaniya, alang sa pagsunog sa insenso nga humot diha sa iyang atubangan ug sa paghalad kanunay sa pan nga ibutang sa atubangan sa Dios ug alang sa mga halad nga sunogon buntag ug hapon, sa mga adlaw nga igpapahulay, ug sa mga bag-ong subang sa bulan, ug sa mga gitakdang kasaulogan sa Ginoo nga among Dios. Kini usa ka tulumanon sa Israel hangtod sa kahangtoran.

2 Cronicas 8:13

sumala sa gikinahanglan sa katungdanan matag adlaw, maghalad sumala sa sugo ni Moises alang sa mga adlaw nga igpapahulay, sa mga bag-ong subang sa bulan, ug sa tulo ka tinuig nga kasaulogan, ang Kasaulogan sa Pan nga Walay Patubo, ang Kasaulogan sa mga Semana ug ang Kasaulogan sa mga Balongbalong.

Isaias 58:13

“Kon ilikay nimo ang imong tiil gikan sa adlaw nga igpapahulay, gikan sa pagbuhat sa imong kalipay sa akong adlaw nga balaan, ug magtawag sa adlaw nga igpapahulay nga usa ka kahimut-an, ug ang balaan nga adlaw sa Ginoo nga halangdon; kon pasidunggan nimo kini, dili magsubay sa imong mga pamaagi o mangita sa imong kaugalingon nga kalipay, o magsulti sa kaugalingon mong mga pulong,

Ezequiel 20:12

Gihatag usab nako kanila ang akong mga adlawng igpapahulay, aron mahimong usa ka timaan taliwala kanako ug kanila, aron sila makaila nga ako, ang Ginoo, nagbalaan kanila.

Ezequiel 46:4

Ug ang halad nga sunogon nga ihalad sa pangulo ngadto sa Ginoo nga himoon sa adlawng igpapahulay, unom ka nating karnero nga walay tatsa ug usa ka laking karnero nga walay tatsa,

Numeros 28:10

Kini mao ang halad nga sunogon alang sa matag adlaw nga igpapahulay, dugang sa magpadayon nga halad nga sunogon ug sa halad nga ilimnon niini.

Numeros 28:8

Ug ang lain nga nating karnero ihalad nimo sa pagkakilomkilom. Sama sa halad nga pagkaon sa buntag ug sama sa halad nga ilimnon, maghalad ikaw niini ingon nga halad pinaagi sa kalayo, usa ka kahumot alang sa Ginoo.

Gipadayag 1:10

Sa adlaw sa Ginoo diha ako sa Espiritu, ug sa akong luyo nadungog nako ang usa ka kusog nga tingog nga daw trumpeta