Numeros 28:7

Ang Biblia 2011

Ug ang halad nga ilimnon niini mao ang ikaupat nga bahin sa usa ka hin alang sa matag nating karnero. Sa dapit nga balaan magbubo ikaw ug halad nga ilimnon nga isog, ilimnon alang sa Ginoo.

Cross References

Exodo 29:40

Ug uban sa unang nating karnero usa ka ikanapulo nga bahin sa usa ka takos nga pinong harina nga sinagolan sa ikaupat nga bahin sa usa ka hin nga lana ug ikaupat nga bahin sa usa ka hin nga bino alang sa halad nga ilimnon.

Exodo 29:42

Kini usa ka halad nga sunogon nga magpadayon hangtod sa inyong kaliwatan diha sa pultahan sa tolda nga tagboanan sa atubangan sa Ginoo, diin ako makigtagbo kaninyo aron sa pagpakigsulti kanimo.

Exodo 30:9

Ayaw kamo paghalad sa ibabaw niini ug laing insenso o halad nga sunogon o halad nga pagkaon ug ayaw kamo pagbubo sa ibabaw niini ug halad nga ilimnon.

Isaias 57:6

Taliwala sa hamis nga mga bato sa walog anaa ang inyong bahin; kini sila, kini mao ang imong pahat; ngadto kanila ikaw nagbubo ug halad nga ilimnon, ikaw nagdala ug halad nga pagkaon. Malukmay ba lamang ako tungod niining mga butanga?

Joel 1:13

Pagbisti kamo ug sako ug pagbangutan, O mga pari, pagminatay, O mga alagad sa halaran. Panulod kamo, pagpalabay sa kagabhion nga magsul-ob ug sako, O mga alagad sa akong Dios! Tungod kay ang halad nga pagkaon ug ang halad nga ilimnon gihikaw gikan sa balay sa inyong Dios.

Joel 1:9

Ang halad nga pagkaon ug ang halad nga ilimnon gihunong gikan sa balay sa Ginoo. Ang mga pari nagsubo, ang mga alagad sa Ginoo.

Joel 2:14

Kinsa ang nahibalo kon siya dili ba motalikod ug magbasol, ug magbilin ug panalangin sa iyang likod, halad nga pagkaon ug halad nga ilimnon alang sa Ginoo nga inyong Dios?

Levitico 1:9

Apan hugasan niya ug tubig ang mga sulod sa ginhawaan ug ang mga paa niini. Ug sunogon sa pari ang tibuok ibabaw sa halaran ingon nga usa ka halad nga sinunog, usa ka halad pinaagi sa kalayo, usa ka kahumot alang sa Ginoo.

Levitico 23:13

Ang halad nga pagkaon uban niini, nga duha sa napulo ka bahin sa usa ka epha nga pinong harina nga sinagolan ug lana, ihalad kini pinaagi sa kalayo alang sa Ginoo, usa ka kahumot. Ug ang halad nga ilimnon ikaupat nga bahin sa usa ka hin nga bino.

Numeros 15:10

ug alang sa halad nga ilimnon, maghalad ikaw ug tunga sa hin nga bino alang sa halad pinaagi sa kalayo, usa ka kahumot alang sa Ginoo.

Numeros 15:5

ug bino alang sa halad nga ilimnon nga ikaupat nga bahin sa usa ka hin. Andamon kini uban sa halad nga sunogon o alang sa halad, alang sa matag nating karnero.

Numeros 15:7

Ug alang sa halad nga ilimnon, ihalad nimo ang bino nga ikatulo nga bahin sa usa ka hin, usa ka kahumot alang sa Ginoo.

Numeros 28:14

Ug ang ilang mga halad nga ilimnon tunga sa hin nga bino alang sa usa ka torong baka, ikatulo nga bahin sa usa ka hin alang sa usa ka laking karnero ug ikaupat nga bahin sa usa ka hin alang sa usa ka nating karnero. Kini mao ang halad nga sunogon sa matag bulan alang sa mga bulan sa tuig.

Numeros 28:31

Dugang sa magpadayon nga halad nga sunogon ug sa halad nga pagkaon niini, maghalad kamo niini uban sa mga halad nga ilimnon. Susiha nga kini sila walay tatsa.

Numeros 28:6

Kini usa ka magpadayon nga halad nga sunogon nga gitukod didto sa Bukid sa Sinai usa ka kahumot, usa ka halad pinaagi sa kalayo ngadto sa Ginoo.

Numeros 28:8

Ug ang lain nga nating karnero ihalad nimo sa pagkakilomkilom. Sama sa halad nga pagkaon sa buntag ug sama sa halad nga ilimnon, maghalad ikaw niini ingon nga halad pinaagi sa kalayo, usa ka kahumot alang sa Ginoo.

Mga Taga-Filipos 2:17

Apan kon ibubo ako diha sa inyong halad nga inihaw ug sa halad sa inyong pagtuo, ikalipay ko kini ug ako maglipay uban kaninyong tanan.