Numeros 28:3

Ang Biblia 2011

Ug ingna sila, Kini mao ang halad nga pinaagi sa kalayo nga ihalad ninyo sa Ginoo: duha ka nating karnero nga laki nga walay tatsa nga usa ka tuig ang kagulangon sa matag adlaw ingon nga halad nga sunogon nga magpadayon.

Cross References

1 Cronicas 16:40

aron sa paghalad kanunay sa mga halad nga sunogon alang sa Ginoo ibabaw sa halaran sa halad nga sunogon buntag ug hapon, sumala sa tanang nasulat sa Balaod sa Ginoo nga iyang gisugo sa Israel.

2 Cronicas 8:13

sumala sa gikinahanglan sa katungdanan matag adlaw, maghalad sumala sa sugo ni Moises alang sa mga adlaw nga igpapahulay, sa mga bag-ong subang sa bulan, ug sa tulo ka tinuig nga kasaulogan, ang Kasaulogan sa Pan nga Walay Patubo, ang Kasaulogan sa mga Semana ug ang Kasaulogan sa mga Balongbalong.

Esdras 3:5

Ug sa human niini, ang magpadayon nga halad nga sunogon, ang mga halad sa bag-ong subang sa bulan ug sa tanang gitakda nga kasaulogan sa Ginoo ug ang mga halad sa matag usa nga naghimo sa kinabubut-on nga halad ngadto sa Ginoo.

Daniel 11:31

Ang mga kasundalohan gikan kaniya motungha ug hugawhugawan ang Templo ug ang kuta ug kuhaon niya ang nagpadayon nga halad nga sunogon. Ug ilang ipahimutang ang dulumtanan nga makapahimong biniyaan.

Daniel 12:11

Ug gikan sa panahon nga ang nagpadayon nga halad nga sunogon kuhaon ug ang dulumtanan nga nakahimong kamingawan mapahiluna, adunay 1,290 ka adlaw.

Daniel 8:11

Kini nagpagarbo sa iyang kaugalingon, bisan ngadto sa Pangulo sa panon ug gikuha gikan kaniya ang nagpadayon nga halad nga sunogon, ug gipukan ang dapit sa iyang balaang puluy-anan.

Daniel 8:13

Unya nakadungog ako ug usa ka balaan nga nagsulti ug dihay lain nga balaan nga miingon ngadto sa usa nga nagsulti, “Hangtod kanus-a ang panan-awon mahitungod sa nagpadayon nga halad nga sunogon, ang kalapasan nga naglumpag, ug ang pagtugyan sa balaang dapit ug sa panon aron yatakan?”

Levitico 3:5

Unya ang mga anak ni Aaron magsunog niini ibabaw sa halaran uban sa halad nga gisunog ibabaw sa sugnod nga anaa sa ibabaw sa kalayo. Kini usa ka halad pinaagi sa kalayo, usa ka kahumot alang sa Ginoo.

Levitico 6:9

“Sugoa si Aaron ug ang iyang mga anak nga lalaki sa pag-ingon: Kini mao ang balaod sa halad nga sunogon. Ang halad nga sunogon kinahanglang magpabilin sa ibabaw sa halaran sa tibuok nga gabii hangtod sa buntag ug ang kalayo sa halaran kanunay nga magdilaab niini.

Amos 4:4

“Pangadto kamo sa Betel, ug paglapas; ngadto sa Gilgal ug padaghana ang paglapas; dad-a ang inyong mga halad nga inihaw matag buntag, ang inyong mga ikapulo matag tulo ka adlaw;

Numeros 28:10

Kini mao ang halad nga sunogon alang sa matag adlaw nga igpapahulay, dugang sa magpadayon nga halad nga sunogon ug sa halad nga ilimnon niini.

Numeros 28:15

Ug usab usa ka laking kanding ingon nga usa ka halad tungod sa sala ngadto sa Ginoo; kini ihalad dugang sa magpadayon nga halad nga sunogon ug sa halad nga ilimnon niini.

Numeros 28:23

Ihalad nimo kini gawas sa halad nga sunogon sa buntag nga mao ang dayon nga halad nga sunogon.

Numeros 28:24

Sa samang paagi, ihalad ninyo matag adlaw, sulod sa pito ka adlaw, ang pan sa halad pinaagi sa kalayo ingon nga usa ka kahumot ngadto sa Ginoo. Kini ihalad dugang sa magpadayon nga halad nga sunogon ug sa halad nga ilimnon niini.

Numeros 28:31

Dugang sa magpadayon nga halad nga sunogon ug sa halad nga pagkaon niini, maghalad kamo niini uban sa mga halad nga ilimnon. Susiha nga kini sila walay tatsa.

Numeros 28:4

Ang usa ka nating karnero ihalad nimo sa buntag, ug ang usa usab ka nating karnero ihalad nimo sa pagkakilomkilom.

Numeros 29:11

ug usab usa ka laking kanding alang sa halad tungod sa sala dugang sa halad tungod sa sala alang sa pagtabon sa sala, ug sa magpadayon nga halad nga sunogon, ug sa halad nga pagkaon niini ug sa mga halad nga ilimnon niini.

Numeros 29:16

ug usab usa ka laking kanding alang sa halad tungod sa sala dugang sa magpadayon nga halad nga sunogon, sa halad nga pagkaon niini ug sa halad nga ilimnon niini.

Numeros 29:6

Kini dugang sa halad nga sunogon sa bag-ong bulan, ug sa halad nga pagkaon niini, ug sa magpadayon nga halad nga sunogon ug sa halad nga pagkaon niini ug sa mga halad nga ilimnon niini, sumala sa mga tulumanon niini, alang sa usa ka kahumot, usa ka halad pinaagi sa kalayo alang sa Ginoo.

Juan 1:29

Sa pagkasunod nga adlaw iyang nakita si Jesus nga nagpaingon kaniya ug siya miingon, “Tan-awa, ang Nating Karnero sa Dios, ang nagkuha sa sala sa kalibotan!

Mga Hebreo 9:6

Sa mahimo na kining maong mga pagpangandam sa ingon nga paagi, ang mga pari kanunay nga mosulod sa atubangan nga tolda aron sa pagtuman sa ilang pagpangalagad.

Gipadayag 13:8

Ug magsimba kaniya ang tanang nagpuyo sa kalibotan, silang tanan nga ang mga ngalan wala masulat sa basahon sa kinabuhi nga iya sa gipatay nga Nating Karnero, sa wala pa mahimo ang tanang butang.