Numeros 28:25

Ang Biblia 2011

Ug sa ikapito nga adlaw himoon ninyo ang usa ka balaan nga panagtigom; dili kamo magbuhat ug bug-at nga buluhaton.

Cross References

Exodo 12:16

Sa unang adlaw, paghimo kamo ug balaang panagtigom ug sa ikapitong adlaw paghimo usab kamo ug balaang panagtigom. Ayaw kamo pagbuhat niining mga adlawa apan mao lamay andama ninyo ang pagkaon sa tanan.

Exodo 13:6

Pito ka adlaw nga kamo magkaon sa pan nga walay patubo, ug sa ikapitong adlaw himoa ang kasaulogan ngadto sa Ginoo.

Levitico 23:21

Himoa ninyo ang pagpahibalo nianang adlawa, paghimo kamo ug usa ka balaan nga panagtigom. Dili kamo magbuhat ug bug-at nga buluhaton. Kini usa ka lagda hangtod sa kahangtoran diha sa tanan ninyong mga puluy-anan hangtod sa tanan ninyong kaliwatan.

Levitico 23:25

Dili kamo magbuhat ug bug-at nga buluhaton; paghalad kamo ug halad pinaagi sa kalayo alang sa Ginoo.”

Levitico 23:3

Unom ka adlaw kamo nga magbuhat sa mga buluhaton, apan ang ikapito nga adlaw usa ka adlaw nga igpapahulay sa balaan nga pagpahulay, ang panagtigom nga balaan. Wala gayoy magbuhat ug bisan unsa nga buluhaton, kini usa ka adlaw nga igpapahulay alang sa Ginoo diha sa tanan ninyong mga puluy-anan.

Levitico 23:7

Sa unang adlaw paghimo kamo ug usa ka balaan nga panagtigom, dili kamo magbuhat ug bug-at nga buluhaton.

Levitico 23:8

Apan maghalad kamo ug halad pinaagi sa kalayo alang sa Ginoo sulod sa pito ka adlaw. Sa ikapito nga adlaw himoon ang usa ka balaan nga panagtigom, dili kamo magbuhat ug bug-at nga buluhaton.”

Numeros 28:18

Sa unang adlaw himoon ang usa ka balaan nga panagtigom, dili kamo mabuhat ug bug-at nga buluhaton.

Numeros 28:26

“Sa adlaw sa unang mga bunga, sa diha nga maghalad kamo ug bag-o nga halad nga pagkaon alang sa Ginoo sa inyong Kasaulogan sa mga Semana, maghimo kamo ug usa ka balaan nga panagtigom, dili kamo magbuhat ug bug-at nga buluhaton.

Numeros 29:1

“Sa unang adlaw sa ikapito nga bulan, maghimo kamo ug usa ka balaan nga panagtigom, dili kamo magbuhat ug bug-at nga buluhaton. Kini mao ang adlaw sa pagpatingog sa mga trumpeta alang kaninyo.

Numeros 29:12

“Sa ikanapulo ug lima nga adlaw sa ikapito nga bulan, kamo maghimo ug usa ka balaan nga panagtigom; dili kamo magbuhat ug bug-at nga buluhaton ug magsaulog kamo alang sa Ginoo sulod sa pito ka adlaw.

Numeros 29:35

“Sa ikawalo nga adlaw maghimo kamo ug balaan nga panagtigom, dili kamo magbuhat ug bug-at nga buluhaton.

Deuteronomio 16:8

Sa unom ka adlaw pangaon kamo ug pan nga walay patubo ug sa ikapitong adlaw kinahanglan nga adunay balaan nga panagtigom alang sa Ginoo nga inyong Dios. Ayaw kamo paghimo ug buluhaton niining adlawa.