Numeros 28:14

Ang Biblia 2011

Ug ang ilang mga halad nga ilimnon tunga sa hin nga bino alang sa usa ka torong baka, ikatulo nga bahin sa usa ka hin alang sa usa ka laking karnero ug ikaupat nga bahin sa usa ka hin alang sa usa ka nating karnero. Kini mao ang halad nga sunogon sa matag bulan alang sa mga bulan sa tuig.

Cross References

Esdras 3:5

Ug sa human niini, ang magpadayon nga halad nga sunogon, ang mga halad sa bag-ong subang sa bulan ug sa tanang gitakda nga kasaulogan sa Ginoo ug ang mga halad sa matag usa nga naghimo sa kinabubut-on nga halad ngadto sa Ginoo.

Isaias 1:13

Ayaw na pagdala ug mga halad nga walay kapuslanan; ang insenso dulumtanan alang kanako. Ang bag-ong pagsubang sa bulan ug ang adlaw nga igpapahulay ug ang pagtawag sa mga panagtigom— dili ako makaantos sa kasal-anan ug sa balaang panagtigom.

Jeremias 48:35

Ug akong taposon diha sa Moab, nag-ingon ang Ginoo, siya nga naghalad ug inihaw didto sa habog nga dapit ug nagsunog ug insenso alang sa iyang mga dios.

Ezequiel 46:4

Ug ang halad nga sunogon nga ihalad sa pangulo ngadto sa Ginoo nga himoon sa adlawng igpapahulay, unom ka nating karnero nga walay tatsa ug usa ka laking karnero nga walay tatsa,

Joel 1:13

Pagbisti kamo ug sako ug pagbangutan, O mga pari, pagminatay, O mga alagad sa halaran. Panulod kamo, pagpalabay sa kagabhion nga magsul-ob ug sako, O mga alagad sa akong Dios! Tungod kay ang halad nga pagkaon ug ang halad nga ilimnon gihikaw gikan sa balay sa inyong Dios.

Numeros 15:5

ug bino alang sa halad nga ilimnon nga ikaupat nga bahin sa usa ka hin. Andamon kini uban sa halad nga sunogon o alang sa halad, alang sa matag nating karnero.

Numeros 15:9

maghalad ikaw uban sa torong baka, usa ka halad nga pagkaon nga tulo sa napulo ka bahin sa epha nga pinong harina nga sinagolan ug tunga sa usa ka hin nga lana

Numeros 28:13

ug usa ka ikanapulo nga bahin sa pinong harina nga sinagolan ug lana ingon nga usa ka halad nga pagkaon sa matag nating karnero, ingon nga usa ka halad nga sunogon, usa ka kahumot, usa ka halad pinaagi sa kalayo alang sa Ginoo.

Numeros 28:15

Ug usab usa ka laking kanding ingon nga usa ka halad tungod sa sala ngadto sa Ginoo; kini ihalad dugang sa magpadayon nga halad nga sunogon ug sa halad nga ilimnon niini.

Numeros 28:7

Ug ang halad nga ilimnon niini mao ang ikaupat nga bahin sa usa ka hin alang sa matag nating karnero. Sa dapit nga balaan magbubo ikaw ug halad nga ilimnon nga isog, ilimnon alang sa Ginoo.

Numeros 29:18

uban ang mga halad nga pagkaon ug ang halad nga ilimnon alang sa mga torong baka, alang sa mga laking karnero ug alang sa mga nating karnero, sumala sa gidaghanon, subay sa ilang tulumanon,