Numeros 28:11

Ang Biblia 2011

“Sa mga sinugdanan sa inyong mga bulan, kamo maghalad ug usa ka halad nga sunogon ngadto sa Ginoo: duha ka nating baka nga laki ug usa ka laking karnero, pito ka nating karnero nga laki nga usa ka tuig ang kagulangon nga walay tatsa,

Cross References

2 Mga Hari 4:23

Ug siya miingon, “Nganong moadto man ikaw kaniya niining adlawa? Dili man unta bag-ong bulan o adlaw nga igpapahulay.” Ug siya miingon, “Mahimo ra kana.”

1 Cronicas 23:31

ug sa diha nga ang halad nga sunogon ihalad ngadto sa Ginoo panahon sa mga adlaw nga igpapahulay, sa bag-ong pagsubang sa bulan, sa mga adlaw sa kasaulogan sumala sa gidaghanon nga gitakda kanila, sa kanunay sa atubangan sa Ginoo.

2 Cronicas 2:3

Unya si Solomon nagpadala ug mensahe kang Hiram nga hari sa Tiro nga nag-ingon, “Ikaw nakigsabot kang David nga akong amahan ug nagpadala kaniya ug mga cedro aron sa pagtukod ug usa ka balay nga puluy-anan alang kaniya.

2 Cronicas 2:4

Tan-awa, ako magtukod ug usa ka balay alang sa ngalan sa Ginoo nga akong Dios, ug kini ihalad alang kaniya, alang sa pagsunog sa insenso nga humot diha sa iyang atubangan ug sa paghalad kanunay sa pan nga ibutang sa atubangan sa Dios ug alang sa mga halad nga sunogon buntag ug hapon, sa mga adlaw nga igpapahulay, ug sa mga bag-ong subang sa bulan, ug sa mga gitakdang kasaulogan sa Ginoo nga among Dios. Kini usa ka tulumanon sa Israel hangtod sa kahangtoran.

2 Cronicas 8:13

sumala sa gikinahanglan sa katungdanan matag adlaw, maghalad sumala sa sugo ni Moises alang sa mga adlaw nga igpapahulay, sa mga bag-ong subang sa bulan, ug sa tulo ka tinuig nga kasaulogan, ang Kasaulogan sa Pan nga Walay Patubo, ang Kasaulogan sa mga Semana ug ang Kasaulogan sa mga Balongbalong.

Esdras 3:5

Ug sa human niini, ang magpadayon nga halad nga sunogon, ang mga halad sa bag-ong subang sa bulan ug sa tanang gitakda nga kasaulogan sa Ginoo ug ang mga halad sa matag usa nga naghimo sa kinabubut-on nga halad ngadto sa Ginoo.

Nehemias 10:33

alang sa pan nga ibutang sa halaran, sa nagpadayon nga halad nga pagkaon, sa nagpadayong halad nga sunogon, sa mga adlaw nga igpapahulay, sa mga bag-ong subang sa bulan, sa gitakda nga mga kasaulogan, sa mga butang nga balaan, ug sa mga halad alang sa sala aron sa paghimo ug pagtabon sa sala sa Israel ug alang sa tanang mga buhat sa balay sa among Dios.

Salmo 40:6

Halad ug gasa wala nimo tinguhaa, apan ikaw naghatag kanako ug bukas nga dalunggan. Halad nga sunogon, ug halad tungod sa sala wala nimo pangayoa.

Salmo 40:8

ako nalipay sa pagbuhat sa imong kabubut-on, O akong Dios; ang imong balaod ania sulod sa akong kasingkasing.”

Salmo 81:3

Patingoga ang trumpeta sa bag-ong subang sa bulan, sa pagtakdol sa bulan, sa atong adlaw sa kasaulogan.

Salmo 81:4

Kay kini usa ka lagda alang sa Israel, usa ka tulumanon sa Dios ni Jacob.

Isaias 66:23

Gikan sa bag-ong subang sa bulan ngadto sa bag-ong subang sa bulan, ug gikan sa usa ka adlawng igpapahulay ngadto sa laing adlawng igpapahulay, ang tanang mga tawo manganhi aron sa pagsimba sa akong atubangan, nag-ingon ang Ginoo.

Ezequiel 46:1

“Mao kini ang giingon sa Ginoong Dios: Ang ganghaan sa sulod nga hawanan nga nag-atubang sa silangan tak-opan sulod sa unom ka adlaw nga tingbuhat, apan sa adlawng igpapahulay kini buksan, ug sa adlaw sa bag-ong subang sa bulan kini buksan.

Ezequiel 46:6

Sa adlaw sa bag-ong subang sa bulan maghalad siya ug usa ka batan-ong torong baka nga walay tatsa ug unom ka nating karnero ug usa ka laking karnero, kini kinahanglan walay tatsa.

Ezequiel 46:7

Ingon nga halad nga pagkaon, siya magtagana ug usa ka epha uban sa torong baka ug usa ka epha uban sa laking karnero ug uban sa mga nating karnero sumala sa iyang mahimo, ug usa ka hin nga lana sa matag epha.

Oseas 2:11

Taposon nako ang tanan niyang kalipay, ang iyang mga kasaulogan, ang iyang mga bag-ong subang sa bulan, ang iyang mga adlawng igpapahulay, ug ang tanan niyang mga tinakdang kasaulogan.

Levitico 1:13

Apan hugasan niya ug tubig ang sulod sa ginhawaan ug ang mga paa, ug ihalad sa pari ang tibuok ug sunogon kini niya ibabaw sa halaran. Kini mao ang halad nga sinunog, halad pinaagi sa kalayo, usa ka kahumot alang sa Ginoo.

Levitico 1:3

“Kon ang iyang halad usa ka halad nga sunogon nga gikan sa mga baka, ihalad niya ang usa ka laki nga walay tatsa, ihalad niya kini didto sa pultahan sa tolda nga tagboanan aron siya dawaton sa atubangan sa Ginoo.

Levitico 1:9

Apan hugasan niya ug tubig ang mga sulod sa ginhawaan ug ang mga paa niini. Ug sunogon sa pari ang tibuok ibabaw sa halaran ingon nga usa ka halad nga sinunog, usa ka halad pinaagi sa kalayo, usa ka kahumot alang sa Ginoo.

Amos 3:5

Mahulog ba ang usa ka langgam sa lit-ag diha sa yuta kon walay paon nga gibutang alang niini? Molibkas ba ang usa ka lit-ag sa yuta kon kini walay nakuha?

Amos 8:5

nga nag-ingon, “Kanus-a pa ba matapos ang bag-ong subang sa bulan, aron kita makabaligya ug trigo? Ug ang adlaw nga igpapahulay, aron ikabaligya nato ang trigo, aron padiyotayon ang epha ug padak-on ang siklo, ug aron makalimbong kita pinaagi sa mga timbangan nga limbongan,

Numeros 10:10

Sa adlaw usab sa inyong kalipay ug sa inyong gitakda nga mga kasaulogan ug sa mga sinugdanan sa inyong mga bulan, patingoga ninyo ang mga trumpeta alang sa inyong mga halad nga sunogon ug alang sa mga inihaw ninyong mga halad sa pakigdait ug kini mahimo alang kaninyo nga handomanan sa atubangan sa inyong Dios. Ako mao ang Ginoo nga inyong Dios.”

Numeros 28:19

Apan kamo maghalad ug usa ka halad pinaagi sa kalayo, usa ka halad nga sunogon alang sa Ginoo: duha ka nating baka nga laki ug usa ka laking karnero, ug pito ka nating karnero nga tagsa ka tuig ang kagulangon. Susiha ninyo nga kini walay mga tatsa.

Mga Taga-Galacia 4:10

Gitamod ninyo ang mga adlaw ug mga bulan ug mga panahon ug mga tuig!

Mga Taga-Colosas 2:16

Busa ayaw tugoti nga adunay maghukom kaninyo mahitungod sa pagkaon ug pag-inom o mahitungod sa kasaulogan o sa bag-ong subang sa bulan o sa adlaw nga igpapahulay.

Mga Taga-Colosas 2:6

Busa ingon nga inyong gidawat kaniadto si Cristo Jesus nga Ginoo, pagkinabuhi kamo diha kaniya,

1 Samuel 20:5

Ug si David miingon kang Jonatan, “Ugma mao ang bag-ong subang sa bulan ug dili gayod nako pakyason ang pagtambong sa lamisa uban sa hari, apan palakta ako aron ako motago diha sa kapatagan hangtod sa gabii sa ikatulo nga adlaw.

1 Samuel 9:12

Sila mitubag, “Ania siya, nag-una siya kaninyo. Pagdali, karon pa lang siya miabot sa siyudad kay ang katawhan may usa ka paghalad karong adlawa sa habog nga dapit.