Numeros 28:1

Ang Biblia 2011

Ug ang Ginoo miingon kang Moises,

Cross References

1 Cronicas 23:31

ug sa diha nga ang halad nga sunogon ihalad ngadto sa Ginoo panahon sa mga adlaw nga igpapahulay, sa bag-ong pagsubang sa bulan, sa mga adlaw sa kasaulogan sumala sa gidaghanon nga gitakda kanila, sa kanunay sa atubangan sa Ginoo.

2 Cronicas 2:4

Tan-awa, ako magtukod ug usa ka balay alang sa ngalan sa Ginoo nga akong Dios, ug kini ihalad alang kaniya, alang sa pagsunog sa insenso nga humot diha sa iyang atubangan ug sa paghalad kanunay sa pan nga ibutang sa atubangan sa Dios ug alang sa mga halad nga sunogon buntag ug hapon, sa mga adlaw nga igpapahulay, ug sa mga bag-ong subang sa bulan, ug sa mga gitakdang kasaulogan sa Ginoo nga among Dios. Kini usa ka tulumanon sa Israel hangtod sa kahangtoran.

2 Cronicas 23:18

Nagbutang si Jehoiada ug mga bantay sa balay sa Ginoo ubos sa pagmando sa mga pari nga mga Levihanon nga gihan-ay ni David aron maoy magdumala sa balay sa Ginoo, aron sa paghalad sa mga halad nga sunogon alang sa Ginoo, sumala sa nasulat sa Balaod ni Moises, uban sa paglipay ug sa pag-awit, sumala sa sugo ni David.

2 Cronicas 31:3

Ang gihatag sa hari gikan sa iyang kaugalingong kabtangan alang sa mga halad nga sunogon: ang halad nga sunogon sa buntag ug sa gabii, ang halad nga sunogon alang sa adlaw nga igpapahulay, sa mga unang subang sa bulan ug sa mga gitakda nga kasaulogan ingon nga kini nasulat diha sa balaod sa Ginoo.

2 Cronicas 8:13

sumala sa gikinahanglan sa katungdanan matag adlaw, maghalad sumala sa sugo ni Moises alang sa mga adlaw nga igpapahulay, sa mga bag-ong subang sa bulan, ug sa tulo ka tinuig nga kasaulogan, ang Kasaulogan sa Pan nga Walay Patubo, ang Kasaulogan sa mga Semana ug ang Kasaulogan sa mga Balongbalong.

Esdras 6:9

Ug bisan unsay gikinahanglan, mga nating baka nga laki, mga laking karnero o mga karnero alang sa mga halad nga sunogon alang sa Dios sa langit, trigo, asin, bino o lana sumala sa gikinahanglan sa mga pari sa Jerusalem, ipahatag kini kanila matag adlaw sa walay pagpakyas

Nehemias 10:33

alang sa pan nga ibutang sa halaran, sa nagpadayon nga halad nga pagkaon, sa nagpadayong halad nga sunogon, sa mga adlaw nga igpapahulay, sa mga bag-ong subang sa bulan, sa gitakda nga mga kasaulogan, sa mga butang nga balaan, ug sa mga halad alang sa sala aron sa paghimo ug pagtabon sa sala sa Israel ug alang sa tanang mga buhat sa balay sa among Dios.

Isaias 1:13

Ayaw na pagdala ug mga halad nga walay kapuslanan; ang insenso dulumtanan alang kanako. Ang bag-ong pagsubang sa bulan ug ang adlaw nga igpapahulay ug ang pagtawag sa mga panagtigom— dili ako makaantos sa kasal-anan ug sa balaang panagtigom.

Ezequiel 44:24

Diha sa panagsumpaki sila motindog ingon nga maghuhukom ug sila maghukom sumala sa akong mga paghukom. Sila magtuman sa akong mga balaod ug sa akong mga lagda diha sa tanan nakong nga mga tinakdang kasaulogan, ug sila magbalaan sa akong mga adlawng igpapahulay.

Ezequiel 45:17

Katungdanan sa pangulo ang paghatag sa mga halad nga sunogon, sa mga halad nga pagkaon ug sa mga halad nga ilimnon panahon sa mga kasaulogan, sa mga bag-ong subang sa bulan ug sa mga adlawng igpapahulay, sa tanang mga tinakda nga kasaulogan sa balay sa Israel. Siya mag-andam sa halad tungod sa sala, sa halad nga pagkaon, sa halad nga sunogon ug sa halad sa pakigdait aron sa paghimo sa pagtabon sa sala alang sa balay sa Israel.

Ezequiel 46:11

“Ug panahon sa mga kasaulogan ug sa tinakdang mga panahon, ang halad nga pagkaon usa ka epha uban sa usa ka torong baka, ug usa ka epha uban sa usa ka laking karnero, ug uban sa mga nating karnero sumala sa iyang ikahatag, ug usa ka hin nga lana uban sa matag epha.

Levitico 9:15

Unya gihalad ni Aaron ang halad sa katawhan, ug gikuha niya ang laking kanding nga mao ang halad tungod sa sala sa katawhan, ug gipatay kini ug gihalad alang sa sala sama sa unang halad tungod sa sala.

Numeros 27:23

Ug gipandong niya ang iyang mga kamot kang Josue ug gisangonan siya sa katungdanan sumala sa gisulti sa Ginoo pinaagi kang Moises.

Numeros 28:2

“Sugoa ang katawhan sa Israel ug ingna sila, ‘Ang akong halad, ang akong pan alang sa akong mga halad pinaagi sa kalayo, ang kahumot alang kanako, tumanon ninyo ang paghalad alang kanako sulod sa gitakda nga panahon niini.’

Numeros 7:15

usa ka nating baka nga laki, usa ka laking karnero, usa ka nating karnero nga usa ka tuig ang kagulangon alang sa halad nga sunogon,

Mga Taga-Galacia 4:10

Gitamod ninyo ang mga adlaw ug mga bulan ug mga panahon ug mga tuig!

Mga Taga-Colosas 2:16

Busa ayaw tugoti nga adunay maghukom kaninyo mahitungod sa pagkaon ug pag-inom o mahitungod sa kasaulogan o sa bag-ong subang sa bulan o sa adlaw nga igpapahulay.