Numeros 27:23

Ang Biblia 2011

Ug gipandong niya ang iyang mga kamot kang Josue ug gisangonan siya sa katungdanan sumala sa gisulti sa Ginoo pinaagi kang Moises.

Cross References

Numeros 27:18

Ug ang Ginoo miingon kang Moises, “Dad-a si Josue nga anak ni Nun, usa ka tawo nga kaniya anaa ang Espiritu, ug ipandong ang imong kamot ibabaw kaniya,

Numeros 27:19

ug patindoga siya sa atubangan ni Eleasar nga pari ug sa tibuok nga katilingban ug sangonan nimo siya sa katungdanan diha sa ilang panan-aw.

Numeros 27:22

Busa nagbuhat si Moises sumala sa gisugo sa Ginoo kaniya ug iyang gikuha si Josue ug gibarog sa atubangan ni Eleasar nga pari ug sa atubangan sa tibuok nga katilingban.

Numeros 28:1

Ug ang Ginoo miingon kang Moises,

Deuteronomio 3:21

Ug niadtong panahona ako nagsugo kang Josue, ‘Ang imong mga mata nakakita sa tanan nga gibuhat sa Ginoo nga imong Dios ngadto sa duha ka hari. Mao kana ang buhaton sa Ginoo sa tanan nga mga gingharian nga imong agian.

Deuteronomio 3:28

Apan sugoa si Josue ug dasiga ug lig-ona siya kay siya moadto nga mangulo niining katawhan, ug siya magpahiluna kanila sa pagpanag-iya sa yuta nga imong makita.’

Deuteronomio 31:23

Ug ang Ginoo mihatag sa sugo kang Josue nga anak ni Nun ug miingon, “Pagmalig-on ug pagmadasigon, kay ikaw magdala sa mga anak ni Israel ngadto sa yuta nga gipanumpa nako nga ihatag kanila ug ako mag-uban kanimo.”

Deuteronomio 34:9

Ug si Josue nga anak ni Nun puno sa espiritu sa kaalam kay si Moises nagtapion sa iyang mga kamot nganha kaniya busa ang katawhan sa Israel mituman kaniya ug nagbuhat sumala sa gisugo sa Ginoo kang Moises.