Numeros 27:21

Ang Biblia 2011

Ug siya mobarog sa atubangan ni Eleasar nga pari nga maoy magpakisayod alang kaniya sa paghukom sa Urim sa atubangan sa Ginoo. Sa iyang pulong manggula sila ug sa iyang pulong manulod sila, siya ug ang tanang katawhan sa Israel uban kaniya, ang tibuok nga katilingban.”

Cross References

2 Samuel 21:1

Niadtong tungora dihay usa ka gutom sa panahon ni David sulod sa tulo ka tuig nga nagsunod-sunod ug si David nagpakitambag sa Ginoo. Ug ang Ginoo miingon, “Adunay kasal-anan si Saul ug ang iyang banay tungod kay iyang gipamatay ang mga Gibeonhanon.”

Esdras 2:63

Ug ang gobernador nagsulti kanila nga dili sila makakaon sa labing balaan nga pagkaon hangtod nga adunay pari nga magpakisayod pinaagi sa Urim ug sa Tumim.

Nehemias 7:65

Ang gobernador miingon kanila, nga dili sila mokaon sa labing balaan nga mga pagkaon, hangtod nga may motindog nga usa ka pari uban ang Urim ug ang Tumim.

Exodo 28:30

Ibutang diha sa tabon sa dughan sa paghukom ang Urim ug ang Tumim ug kini anha sa kasingkasing ni Aaron sa dihang mosulod siya sa atubangan sa Ginoo ug si Aaron magdala kanunay sa paghukom sa katawhan sa Israel diha sa iyang kasingkasing sa atubangan sa Ginoo.

Levitico 8:8

Iyang gisul-ob kaniya ang tabon sa dughan ug niini gibutang niya ang Urim ug ang Tumim.

Malaquias 2:7

Kay ang mga ngabil sa pari kinahanglang magbantay sa kahibalo ug ang mga tawo mangita unta ug pagtudlo gikan sa iyang baba kay siya mao ang sinugo sa Ginoo sa mga panon.

Numeros 27:17

nga mag-una kanila sa paggula ug mag-una kanila sa pagsulod ug siya nga mangulo kanila sa paggula, ug siya nga mangulo kanila sa pagsulod aron ang katilingban sa Ginoo dili mahisama sa mga karnero nga walay tigbantay.”

Numeros 27:2

Ug mitindog sila sa atubangan ni Moises ug sa atubangan ni Eleasar nga pari, ug sa atubangan sa mga pangulo ug sa tibuok nga katilingban, didto sa pultahan sa tolda nga tagboanan ug nag-ingon,

Numeros 27:20

Ug magbutang ikaw sa uban nimong kagahom sa ibabaw niya aron ang tibuok nga katilingban sa katawhan sa Israel motuman kaniya.

Numeros 27:22

Busa nagbuhat si Moises sumala sa gisugo sa Ginoo kaniya ug iyang gikuha si Josue ug gibarog sa atubangan ni Eleasar nga pari ug sa atubangan sa tibuok nga katilingban.

Numeros 27:5

Busa gidala ni Moises ang ilang gipangayo sa atubangan sa Ginoo.

Deuteronomio 31:3

Ang Ginoo nga inyong Dios mao gayod ang mag-una kaninyo. Laglagon niya kining mga nasod sa inyong atubangan aron inyo silang ilogan. Ug si Josue mao ang mangulo kaninyo sumala sa gisulti sa Ginoo.

Deuteronomio 33:8

Ug mahitungod kang Levi siya miingon, “Ihatag kang Levi ang imong Tumim, ug ang imong Urim ngadto sa imong balaan, nga imong gisulayan didto sa Masa, nga imong gikaaway didto sa katubigan sa Meriba.

Josue 9:14

Busa ang mga tawo nakigsalo sa ilang balon, ug wala mangayo ug tambag gikan sa Ginoo.

Mga Maghuhukom 1:1

Human sa kamatayon ni Josue, ang katawhan sa Israel nangutana sa Ginoo, “Kinsa man ang mouna pagtungas alang kanamo batok sa mga Canaanhon, aron sa pagpakig-away batok kanila?”

Mga Maghuhukom 20:18

Ang katawhan sa Israel nangandam ug nangadto sa Betel, ug nagpakisayod sa Dios, “Kinsa kanamo ang mouna pag-adto aron sa pagpakig-away batok sa mga kaliwat ni Benjamin?” Ug ang Ginoo miingon, “Ang Juda mao ang mouna pag-adto.”

Mga Maghuhukom 20:23

Ug ang katawhan sa Israel nangadto ug nanghilak sa atubangan sa Ginoo hangtod sa pagkagabii ug sila nangutana sa Ginoo, “Makig-away ba kami pag-usab batok sa among kaigsoonan nga mga kaliwat ni Benjamin?” Ug ang Ginoo miingon, “Pangadto kamo batok kanila.”

1 Samuel 14:19

Samtang si Saul nakigsulti sa pari, ang kasamok nga didto sa kampo sa mga Filistihanon nagkaanam ug kadako ug si Saul miingon sa pari, “Kuhaa ang imong kamot.”

1 Samuel 23:9

Si David nahibalo nga si Saul naglaraw ug daotan batok kaniya ug siya miingon kang Abiatar nga pari, “Dad-a nganhi ang ephod.”

1 Samuel 28:6

Sa diha nga nagpakisayod si Saul sa Ginoo, ang Ginoo wala motubag kaniya, bisan pinaagi sa mga damgo o pinaagi sa Urim o pinaagi sa mga propeta.

1 Samuel 30:7

Si David miingon kang Abiatar nga pari ang anak ni Ahimelek, “Dad-a dinhi kanako ang ephod.” Busa gidala ni Abiathar ang ephod ngadto kang David.