Numeros 27:20

Ang Biblia 2011

Ug magbutang ikaw sa uban nimong kagahom sa ibabaw niya aron ang tibuok nga katilingban sa katawhan sa Israel motuman kaniya.

Cross References

2 Mga Hari 2:15

Unya sa pagkakita kaniya sa pundok sa mga propeta nga didto sa Jerico atbang kaniya, sila miingon, “Ang espiritu ni Elias anaa kang Eliseo.” Ug sila nangadto sa pagtagbo kaniya ug miyukbo diha sa yuta sa atubangan niya.

1 Cronicas 29:23

Unya si Solomon milingkod sa trono sa Ginoo ingon nga hari puli ni David nga iyang amahan ug siya miuswag ug ang tibuok Israel nagtuman kaniya.

1 Cronicas 29:25

Ang Ginoo naghatag kang Solomon ug dakong dungog diha sa panan-aw sa tibuok Israel, ug mihatag kaniya sa maong kaharianong pagkahalangdon nga walay sama ni bisan kinsang hari nga una kaniya sa Israel.

Numeros 11:17

Unya ako mokunsad ug makigsulti kanimo didto, ug ako magkuha ug espiritu nga anaa kanimo, ug kini ibutang nako kanila ug sila magpas-an sa kabug-at sa katawhan uban kanimo aron dili ikaw magpas-an niini nga mag-inusara.

Numeros 27:19

ug patindoga siya sa atubangan ni Eleasar nga pari ug sa tibuok nga katilingban ug sangonan nimo siya sa katungdanan diha sa ilang panan-aw.

Numeros 27:21

Ug siya mobarog sa atubangan ni Eleasar nga pari nga maoy magpakisayod alang kaniya sa paghukom sa Urim sa atubangan sa Ginoo. Sa iyang pulong manggula sila ug sa iyang pulong manulod sila, siya ug ang tanang katawhan sa Israel uban kaniya, ang tibuok nga katilingban.”

1 Samuel 10:6

Unya ang Espiritu sa Ginoo moabot kanimo nga puno sa gahom ug ikaw magpropesiya uban kanila ug mahimo ikaw nga lahi nga tawo.

1 Samuel 10:9

Unya sa pagtalikod ni Saul aron sa pagbiya kang Samuel, ang Dios naghatag kaniya ug lain nga kasingkasing ug kadtong tanan nga mga ilhanan nahitabo niadtong adlawa.