Numeros 27:18

Ang Biblia 2011

Ug ang Ginoo miingon kang Moises, “Dad-a si Josue nga anak ni Nun, usa ka tawo nga kaniya anaa ang Espiritu, ug ipandong ang imong kamot ibabaw kaniya,

Cross References

Genesis 41:38

Ug ang Paraon nag-ingon sa iyang mga alagad, “Makakaplag ba kaha kita ug usa ka tawo nga sama niini, nga kaniya anaa ang Espiritu sa Dios?”

1 Cronicas 7:27

si Nun anak ni Elisama, si Josue anak ni Nun.

Exodo 17:9

Ug si Moises miingon kang Josue, “Pagpili gikan kanato ug mga tawo ug panggawas kamo ug pakig-away kamo batok sa Amalek. Ugma motindog ako sa tumoy sa bungtod nga magbitbit sa sungkod sa Dios.”

Daniel 5:14

Ako nakadungog mahitungod kanimo nga ang espiritu sa mga balaang dios anaa kanimo ug nga ang kahayag ug salabotan ug labawng kaalam nakita diha kanimo.

Numeros 11:17

Unya ako mokunsad ug makigsulti kanimo didto, ug ako magkuha ug espiritu nga anaa kanimo, ug kini ibutang nako kanila ug sila magpas-an sa kabug-at sa katawhan uban kanimo aron dili ikaw magpas-an niini nga mag-inusara.

Numeros 13:16

Kini mao ang mga ngalan sa mga tawo nga gipadala ni Moises sa pagpaniid sa yuta. Ug si Hosea nga anak ni Nun gitawag ug Josue ni Moises.

Numeros 13:8

sa banay ni Efraim, si Hosea nga anak ni Nun;

Numeros 27:23

Ug gipandong niya ang iyang mga kamot kang Josue ug gisangonan siya sa katungdanan sumala sa gisulti sa Ginoo pinaagi kang Moises.

Juan 3:34

Siya nga gipadala sa Dios nagsulti sa mga pulong sa Dios kay sa walay sukod gihatag sa Dios ang Espiritu.

Mga Buhat 13:3

Unya human sila makapuasa ug makaampo, ilang gipandong ang ilang mga kamot kanila ug gipagikan sila.

Mga Buhat 19:6

Ug sa napandongan na sila ni Pablo sa iyang mga kamot, ang Espiritu Santo mikunsad kanila, ug sila nagsulti sa laing mga sinultihan ug nagpropesiya.

Mga Buhat 6:3

Busa, mga igsoon, pagpili kamo ug pito ka tawo diha kaninyo nga mga namatud-an, puno sa Espiritu ug sa kaalam nga atong tugyanan niining maong buluhaton.

Mga Buhat 6:6

Gipaatubang sila sa mga apostoles, ug human makaampo, gipandongan sila nila sa ilang mga kamot.

Deuteronomio 1:37

Ug ang Ginoo nasuko usab kanako tungod kaninyo ug miingon, ‘Ikaw usab dili makasulod didto.

Deuteronomio 3:21

Ug niadtong panahona ako nagsugo kang Josue, ‘Ang imong mga mata nakakita sa tanan nga gibuhat sa Ginoo nga imong Dios ngadto sa duha ka hari. Mao kana ang buhaton sa Ginoo sa tanan nga mga gingharian nga imong agian.

Deuteronomio 3:28

Apan sugoa si Josue ug dasiga ug lig-ona siya kay siya moadto nga mangulo niining katawhan, ug siya magpahiluna kanila sa pagpanag-iya sa yuta nga imong makita.’

Deuteronomio 31:14

Ang Ginoo miingon kang Moises, “Tan-awa, nagkaduol na ang mga adlaw nga ikaw mamatay. Tawga si Josue ug pangadto kamo sa tolda nga tagboanan aron ako maghatag kaniya sa katungdanan.” Ug sila si Moises ug si Josue nangadto ug nagpakita sa ilang kaugalingon didto sa tolda nga tagboanan.

Deuteronomio 31:23

Ug ang Ginoo mihatag sa sugo kang Josue nga anak ni Nun ug miingon, “Pagmalig-on ug pagmadasigon, kay ikaw magdala sa mga anak ni Israel ngadto sa yuta nga gipanumpa nako nga ihatag kanila ug ako mag-uban kanimo.”

Deuteronomio 31:3

Ang Ginoo nga inyong Dios mao gayod ang mag-una kaninyo. Laglagon niya kining mga nasod sa inyong atubangan aron inyo silang ilogan. Ug si Josue mao ang mangulo kaninyo sumala sa gisulti sa Ginoo.

Deuteronomio 34:9

Ug si Josue nga anak ni Nun puno sa espiritu sa kaalam kay si Moises nagtapion sa iyang mga kamot nganha kaniya busa ang katawhan sa Israel mituman kaniya ug nagbuhat sumala sa gisugo sa Ginoo kang Moises.

1 Timoteo 4:14

Ayaw pasagdi ang hiyas nga anaa kanimo nga gikahatag kanimo pinaagi sa propesiya uban sa pagpandong kanimo sa mga kamot sa mga kadagkoan.

1 Timoteo 5:22

Ayaw pagdali sa pagpandong sa mga kamot o moambit sa mga sala sa uban. Pagputli sa imong kaugalingon.

Mga Hebreo 6:2

ug sa pagtulun-an mahitungod sa mga bautismo, sa pagpandong sa mga kamot, sa pagkabanhaw sa mga patay, ug sa hukom sa silot nga dayon.

Josue 1:17

Ingon nga kami mituman kang Moises sa tanang butang, motuman usab kami kanimo. Mag-uban lamang unta kanimo ang Ginoo nga imong Dios ingon nga siya nag-uban kang Moises.

Mga Maghuhukom 11:29

Unya ang Espiritu sa Ginoo mikunsad kang Jefta ug miagi siya sa Gilead ug Manases ug miagi sa Mispa sa Gilead, ug gikan sa Mispa sa Gilead, miagi siya ngadto sa mga Amonihanon.

Mga Maghuhukom 3:10

Ug ang Espiritu sa Ginoo mikunsad kaniya ug siya nahimong maghuhukom sa Israel. Siya miadto sa pagpakiggubat ug ang Ginoo nagtugyan kang Cusan-risataim nga hari sa Mesopotamia ngadto sa iyang kamot ug ang iyang kamot midaog batok kang Cusan-risataim.

1 Samuel 16:18

Unya mitubag ang usa sa mga batan-ong lalaki, “Nakita nako ang usa ka anak ni Jesse nga taga-Betlehem, batid nga motugtog, isog nga tawo, tawo sa gubat, ugdang nga manulti, maayo ug barog ug ang Ginoo nag-uban kaniya.”