Numeros 26:55

Ang Biblia 2011

Apan ang yuta bahinon pinaagi sa pagripa, sumala sa mga ngalan sa mga banay sa ilang mga katigulangan, sila manunod niini.

Cross References

Mga Panultihon 16:33

Ang ripa gihulog diha sa sabakan, apan ang pagbuot gikan gayod sa Ginoo.

Mga Panultihon 18:18

Ang pagripa magtapos sa mga panagbingkil ug maghukom taliwala sa mga gamhanan nga kabatok.

Ezequiel 47:22

Igahin kini ninyo ingon nga panulundon alang kaninyo ug sa mga langyaw nga nagpuyo taliwala kaninyo, nga nanganak uban kaninyo. Sila mahimo alang kaninyo nga sama sa mga tawong lumad nga katawhan sa Israel. Sila makabaton ug panulundon uban kaninyo taliwala sa mga banay sa Israel.

Numeros 26:56

Ang ilang panulondon bahinon sumala sa ripa taliwala sa daghan ug sa diyotay nga banay.”

Numeros 33:54

Kamo manunod sa yuta pinaagi sa pagripa sumala sa inyong mga panimalay. Sa dakong banay, ihatag ang dako nga panulondon, ug sa gamay nga banay ihatag ang gamay nga panulondon, bisan asa matumong ang pagripa alang ni bisan kinsa kana maiyaha, sumala sa mga kabanayan sa inyong katigulangan kamo manunod.

Numeros 34:13

Ug si Moises misugo sa katawhan sa Israel nga nag-ingon, “Kini mao ang yuta nga inyong masunod pinaagi sa pagripa nga gisugo sa Ginoo nga ihatag ngadto sa siyam ka banay ug sa katunga nga banay,

Numeros 36:2

ug sila miingon, “Ang Ginoo nagsugo sa akong agalon sa paghatag sa yuta ingon nga panulundon pinaagi sa pagripa ngadto sa katawhan sa Israel, ug ang akong agalon gisugo sa Ginoo sa paghatag sa panulundon ni Zelofehad nga among igsoon nga lalaki ngadto sa iyang mga anak nga babaye.

Mga Buhat 1:26

Unya sila nagripa alang kanila ug si Matias mao ang natumngan ug siya giisip nga kauban sa napulo ug usa ka apostoles.

Mga Taga-Colosas 1:12

maghatag sa mga pasalamat ngadto sa Amahan nga mao ang naghimo kanato nga takos sa pag-ambit sa panulundon sa mga balaan diha sa kahayag.

Josue 11:23

Busa gikuha ni Josue ang tibuok nga yuta sumala sa tanang gisulti sa Ginoo kang Moises ug gihatag kini ni Josue ingon nga panulundon sa Israel sumala sa ilang mga bahin pinaagi sa ilang mga banay. Ug ang yuta nakapahulay gikan sa gubat.

Josue 14:2

Ang ilang panulundon gipaagi ug ripa sumala sa gisugo sa Ginoo kang Moises alang sa siyam ug tunga ka banay.

Josue 17:14

Ug ang mga banay ni Jose misulti kang Josue nga nag-ingon, “Nganong gihatagan man nimo kami ug usa ka luna ug usa ka bahin ingon nga panulundon, bisan kon kami usa ka dakong katawhan, kay ang Ginoo nagpanalangin kanamo sa ingon niini hangtod karon?”

Josue 18:6

Ug ihulagway ninyo ang yuta sa pito ka bahin ug dad-a ang hulagway nganhi kanako, ug ripahon kini nako alang kaninyo dinhi sa atubangan sa Ginoo nga atong Dios.

Josue 19:1

Ang ikaduhang ripa nahiadto kang Simeon, alang sa banay ni Simeon sumala sa ilang mga panimalay. Ug ang ilang panulundon anaa sa sulod sa panulundon sa banay ni Juda.

Josue 19:10

Ang ikatulong ripa nahiadto sa banay ni Zabulon sumala sa ilang mga panimalay. Ug ang kayutaan nga ilang panulundon miabot hangtod sa Sarid.

Josue 19:17

Ang ikaupat nga ripa nahiadto kang Isacar, alang sa banay ni Isacar, sumala sa ilang mga panimalay.

Josue 19:24

Ang ikalima nga ripa nahiadto sa banay ni Aser, sumala sa ilang mga panimalay.

Josue 19:32

Ang ikaunom nga ripa nahiadto sa banay ni Neftali, alang sa banay ni Neftali sumala sa ilang mga panimalay.

Josue 19:40

Ang ikapito nga ripa nahiadto sa banay ni Dan sumala sa ilang mga panimalay.