Numeros 26:53

Ang Biblia 2011

“Pinaagi niini, ang yuta bahinon ingon nga usa ka panulondon sumala sa gidaghanon sa mga ngalan.

Cross References

Genesis 12:2

Ug akong buhaton gikan kanimo ang usa ka dako nga nasod, ug ikaw panalanginan nako ug himoong bantogan ang imong ngalan, aron ikaw mahimo nga usa ka panalangin.

Genesis 12:7

Unya, ang Ginoo mipakita kang Abram ug miingon kaniya, “Sa imong kaliwat ihatag nako kining yutaa.” Ug nagtukod siya didto ug usa ka halaran alang sa Ginoo nga nagpakita kaniya.

1 Cronicas 16:18

nga nag-ingon, “Kanimo ihatag nako ang yuta sa Canaan ingon nga imong bahin nga panulundon.”

Salmo 105:44

Iyang gihatag kanila ang mga yuta sa kanasoran, ug gipanag-iya nila ang mga bunga sa paghago sa mga katawhan,

Salmo 49:14

Sama sa mga karnero sila gitagana alang sa Sheol; ang Kamatayon mao ang ilang magbalantay; sila manganaog lahos ngadto sa ilang lubnganan, ug ang ilang katahom madugta; ang Sheol mao ang ilang puluy-anan.

Ezequiel 47:22

Igahin kini ninyo ingon nga panulundon alang kaninyo ug sa mga langyaw nga nagpuyo taliwala kaninyo, nga nanganak uban kaninyo. Sila mahimo alang kaninyo nga sama sa mga tawong lumad nga katawhan sa Israel. Sila makabaton ug panulundon uban kaninyo taliwala sa mga banay sa Israel.

Daniel 7:27

Ug ang gingharian ug ang paggahom ug ang pagkagamhanan sa mga gingharian ilalom sa tibuok nga langit, ihatag ngadto sa katawhan sa mga balaan sa Labing Halangdon; ang ilang gingharian walay kataposan nga gingharian, ug ang tanan nga ginsakpan mag-alagad ug motuman kanila.”

Numeros 26:52

Ug ang Ginoo miingon kang Moises,

Numeros 26:54

Ngadto sa dakong banay ihatag nimo ang dako nga panulondon, ug ngadto sa diyotay nga banay ang gamay nga panulondon; ang matag banay hatagan sa panulondon niini sumala sa gidaghanon niini.

Numeros 33:54

Kamo manunod sa yuta pinaagi sa pagripa sumala sa inyong mga panimalay. Sa dakong banay, ihatag ang dako nga panulondon, ug sa gamay nga banay ihatag ang gamay nga panulondon, bisan asa matumong ang pagripa alang ni bisan kinsa kana maiyaha, sumala sa mga kabanayan sa inyong katigulangan kamo manunod.

Mateo 5:5

“Bulahan ang mga maaghop kay maila ang yuta.

Josue 1:6

Pagmalig-on ug pagmaisogon kay ikaw ang maghimo nga kining katawhan makaangkon sa yuta nga akong gisaad sa ilang katigulangan nga akong ihatag kanila.

Josue 11:23

Busa gikuha ni Josue ang tibuok nga yuta sumala sa tanang gisulti sa Ginoo kang Moises ug gihatag kini ni Josue ingon nga panulundon sa Israel sumala sa ilang mga bahin pinaagi sa ilang mga banay. Ug ang yuta nakapahulay gikan sa gubat.

Josue 14:1

Kini mao ang mga panulundon nga nadawat sa katawhan sa Israel sa yuta sa Canaan nga gibahinbahin ni Eleasar nga pari ug ni Josue nga anak ni Nun ug sa mga pangulo sa mga panimalay sa katigulangan sa mga banay sa katawhan sa Israel.

Gipadayag 21:27

Apan dinhi niini walay bisan unsa nga hugaw nga pasudlon, ang naghimo ug mga dulumtanan o bakak, kondili sila lamang nga nasulat diha sa basahon sa kinabuhi nga iya sa Nating Karnero.

Gipadayag 5:10

ug gihimo nimo sila nga usa ka gingharian ug mga pari ngadto sa atong Dios, ug sila maghari sa yuta.”