Numeros 26:30

Ang Biblia 2011

Kini mao ang mga kaliwat ni Gilead: sa kang Jeser, ang panimalay sa mga Jeserhanon; sa kang Helek, mao ang panimalay sa mga Helekhanon;

Cross References

Numeros 26:31

ug sa kang Arsiel, ang panimalay sa mga Arsielhanon; ug sa kang Sekem, ang panimalay sa mga Sekemhanon;

Josue 17:2

Ug gihimo ang pagbahin ngadto sa ubang banay ni Manases sumala sa ilang mga panimalay, kang Abieser, kang Helek, kang Asriel, kang Sekem, kang Hefer ug kang Semida. Kini sila mao ang mga kaliwat nga lalaki ni Manases nga anak ni Jose sumala sa ilang mga panimalay.

Mga Maghuhukom 6:11

Unya ang anghel sa Ginoo miabot ug milingkod sa ilalom sa dakong kahoy didto sa Opra nga iya ni Joas nga kaliwat ni Abieser, samtang ang anak nga lalaki ni Joas nga si Gideon naggiok ug trigo didto sa pug-anan sa bino aron sa pagtago niini gikan sa mga Midianhon.

Mga Maghuhukom 6:24

Unya si Gideon naghimo ug usa ka halaran didto alang sa Ginoo ug gitawag kini, Ang Ginoo mao ang kalinaw. Hangtod niining adlawa nagtindog pa kini didto sa Opra nga ila sa mga kaliwat ni Abieser.

Mga Maghuhukom 6:34

Apan ang espiritu sa Ginoo mikunsad kang Gideon ug iyang gipatingog ang trumpeta ug ang mga kaliwat ni Abieser gitawag aron sa pagsunod kaniya.

Mga Maghuhukom 8:2

Ug siya miingon kanila, “Unsa bay akong nabuhat karon nga ikatandi kaninyo? Dili ba nga ang nahagdaw sa mga paras ni Ephraim labaw pang maayo kay sa abot sa paras ni Abieser?