Numeros 25:6

Ang Biblia 2011

Unya dihay usa sa katawhan sa Israel miabot ug nagdala sa usa ka babaye nga Midianhon ngadto sa iyang panimalay, diha sa panan-aw ni Moises ug diha sa panan-aw sa tibuok nga katilingban sa katawhan sa Israel, samtang sila nanghilak pa didto sa pultahan sa tolda nga tagboanan.

Cross References

Genesis 37:28

Unya may milabay nga mga tigpatigayon nga Medianhon ug gikuha ug gibitad nila si Jose gikan sa gahong ug ilang gibaligya si Jose ngadto sa mga Ismaelinhon, balig 20 ka buok plata. Ug ilang gidala si Jose ngadto sa Ehipto.

1 Mga Hari 11:18

Migikan sila sa Midian ug miadto sa Paran ug nagkuha sila ug mga tawo gikan sa Paran ug nangadto sa Ehipto, ngadto sa Paraon nga mihatag kaniya ug usa ka balay ug naghatag kaniya ug mga pagkaon ug mihatag kaniya ug yuta.

Salmo 94:16

Kinsa ba ang motindog alang kanako batok sa mga daotan? Kinsa ba ang motindog alang kanako batok sa mga tigbuhat ug daotan?

Isaias 22:12

Niadtong adlawa ang Ginoong Dios sa mga panon, nag-awhag kaninyo aron sa paghilak ug sa pagminatay, ug sa pagpaupaw ug sa pagsul-ob ug sako;

Jeremias 3:3

Busa ang ulan gipugngan, ug ang ulan sa tingpamulak wala moabot; bisan pa niini ikaw adunay kilay sa babaye nga nagbaligya sa iyang dungog, ikaw nagdumili sa pagkaulaw.

Jeremias 36:23

Sa diha nga nabasa ni Jehudi ang tulo o upat ka tudling, giputol kini sa hari pinaagi sa kutsilyo, ug gisugba sa kalayo nga diha sa bagahan, hangtod nga ang tibuok linukot nga basahon nahurot sa kalayo nga diha sa bagahan.

Jeremias 8:12

Nangaulaw ba sila sa diha nga nagbuhat sila sa dulumtanan? Wala, wala gayod sila mangaulaw, dili sila mahibalong manglipaghong. Busa mangapukan sila uban niadtong nangapukan; sa diha nga silotan nako sila, sila mangapukan, nag-ingon ang Ginoo.

Joel 2:17

Pahilaka ang mga pari, ug ang mga alagad sa Ginoo, taliwala sa agianan sa templo ug sa halaran ug ipaingon kanila, “Sayloi ang imong katawhan, O Ginoo, ug ayaw himoa nga talamayon ang imong panulondon, pagya diha sa mga nasod. Ngano nga moingon man sila sa taliwala sa mga katawhan, ‘Hain man ang ilang Dios?’ ”

Numeros 16:47

Ug gikuha kini ni Aaron sumala sa gisulti ni Moises ug midagan ngadto sa taliwala sa katilingban. Unya ang kamatay misugod na sa taliwala sa katawhan, ug gibutang niya ang insenso ug naghimo ug pagtabon sa sala alang sa katawhan.

Numeros 22:4

Ug ang Moab miingon sa mga kadagkoan sa Midian, “Karon kining katawhan motilap sa tanan nga mga naglibot kanato sama sa baka nga nagtilap sa balili sa kapatagan.” Busa si Balak nga anak ni Zipor nga mao ang hari niadtong panahona sa Moab,

Numeros 31:2

“Panimasli ang mga Midianhon tungod sa katawhan sa Israel. Human niana, matipon ikaw ngadto sa imong katawhan.”

Judas 1:13

Kini sila bangis nga mga balod sa dagat nga nagpabula sa ilang kaugalingong kaulawan; mga laag nga mga bituon nga ang kangiob sa kangitngit gitagana hangtod sa kahangtoran.

Mga Maghuhukom 2:4

Sa diha nga ang anghel sa Ginoo misulti niining mga pulonga ngadto sa tanang katawhan sa Israel ang katawhan mipatugbaw sa ilang mga tingog ug nanghilak.