Numeros 25:5

Ang Biblia 2011

Ug si Moises miingon sa mga maghuhukom sa Israel, “Ang matag usa kaninyo magpatay sa iyang katawhan nga nakiglambigit sa ilang kaugalingon ngadto kang Baal sa Peor.”

Cross References

1 Mga Hari 18:40

Ug si Elias miingon kanila, “Dakpa ang mga propeta ni Baal ayaw paikyasa ang bisan usa kanila.” Ug gidakop nila sila ug gidala sila ni Elias ngadto sa sapa sa Kison ug gipamatay sila didto.

Exodo 18:21

Dugang pa niini, gikan sa tanang katawhan, pagpili ug mga tawo nga may katakos, mga tawo nga mahadlokon sa Dios, mga tawo nga kasaligan ug nagdumot sa suborno. Ibutang kining mga tawhana ibabaw kanila, ingon nga mga pangulo sa mga linibo, sa mga ginatos, sa mga tag-50, ug sa mga tagnapulo.

Exodo 22:20

“Si bisan kinsa nga maghalad ngadto sa bisan unsang dios gawas sa Ginoo lamang kinahanglang laglagon.

Numeros 25:3

Busa ang Israel nakiglambigit sa iyang kaugalingon ngadto kang Baal didto sa Peor, ug ang kasuko sa Ginoo misilaob batok sa Israel.

Deuteronomio 13:13

may daotang mga tawo nga nanggula gikan sa taliwala ninyo, ug nagpahisalaag sa mga nagpuyo sa ilang lungsod, nga nag-ingon, ‘Mangadto kita ug mag-alagad sa lain nga mga dios,’ nga wala ninyo mailhi,

Deuteronomio 13:15

pahiagoma gayod ang mga nagpuyo sa lungsod pinaagi sa espada, nga laglagon gayod sa hingpit ang tanan nga anaa niini ug ang kahayopan niini pinaagi sa sulab sa espada.

Deuteronomio 13:6

“Kon ang imong igsoong lalaki nga anak sa imong inahan o ang imong anak nga lalaki, o ang imong anak nga babaye, o ang asawa nga imong gihigugma o ang imong higala nga sama sa imong kaugalingon, nagdani kanimo sa tago nga mag-ingon, ‘Mangadto kita ug mag-alagad sa lain nga mga dios’ nga wala mailhi nimo ug sa imong katigulangan,

Deuteronomio 13:9

Hinuon patya siya. Ang imong kamot maoy mouna batok kaniya aron sa pagpatay kaniya ug pagkahuman ang kamot sa tanang katawhan.

Josue 22:17

Dili pa ba igo kanato ang sala didto sa Peor, nga bisan hangtod niining adlawa wala pa kita makapanghinlo sa atong kaugalingon, nga tungod niini may miabot nga katalagman ngadto sa katilingban sa Ginoo,