Numeros 25:11

Ang Biblia 2011

“Si Pinehas, nga anak ni Eleasar nga anak ni Aaron nga pari, nagpalayo sa akong kasuko gikan sa katawhan sa Israel kay siya nangabubho uban sa akong pangabubho taliwala nila nga tungod niana wala nako puoha ang katawhan sa Israel sa akong pagpangabubho.

Cross References

2 Samuel 21:14

Ilang gilubong ang mga bukog ni Saul ug ni Jonatan nga iyang anak didto sa yuta ni Benjamin sa Zela, sa lubnganan ni Kis nga iyang amahan, ug ilang gihimo ang tanang gisugo sa hari. Ug human niana, ang Dios nagtubag sa ilang mga pag-ampo alang sa yuta.

1 Mga Hari 14:22

Ang Juda naghimo ug daotan diha sa panan-aw sa Ginoo ug gihagit nila siya sa pagpangabubho tungod sa ilang mga sala nga ilang nahimo, labaw pa sa tanan nga nahimo sa ilang katigulangan.

Salmo 106:23

Busa siya miingon nga laglagon niya sila— kon si Moises nga iyang pinili wala pa motindog sa atubangan niya aron sa pagpugong sa iyang kapungot, aron dili sila malaglag.

Salmo 106:30

Unya mitindog si Pinehas ug mipakanaog ug hukom, ug sa ingon niana mihunong ang katalagman.

Salmo 106:31

Ug kadto giisip alang kaniya ingon nga pagkamatarong, gikan sa kaliwatan ngadto sa laing kaliwatan hangtod sa kahangtoran.

Salmo 78:58

Kay gihagit nila siya sa pagkasuko pinaagi sa ilang mga habog nga dapit; gipapangabubho nila siya pinaagi sa ilang mga larawan nga kinulit.

Exodo 20:5

Ayaw kamo pagyukbo kanila o pag-alagad kanila, kay ako, ang Ginoo nga inyong Dios, abubhoan nga Dios, nga nagsilot sa mga sala sa mga ginikanan diha sa mga anak ngadto sa ikatulo ug sa ikaupat nga kaliwatan niadtong mga nagdumot kanako.

Exodo 22:5

“Kon ang usa ka tawo maoy makaingon sa uma o parasan nga masibsiban o magbuhi sa iyang hayop ug kini makasibsib sa uma sa uban, kinahanglan nga bayran niya kini gikan sa labing maayo sa iyang uma ug sa labing maayo sa iyang parasan.

Exodo 34:14

Kay kinahanglan nga dili kamo magsimba ug lain nga mga dios kay ang Ginoo, nga ang kinsang ngalan Abubhoan, abubhoan nga Dios,

Ezequiel 16:38

Ug hukman ikaw nako sama sa mga babaye nga nagbungkag sa kaminyoon ug nagpaagas sa dugo, ug dad-on nako diha kanimo ang dugo sa kaligutgot ug sa pangabubho.

Nahum 1:2

Ang Ginoo abubhoan nga Dios ug manimalos, ang Ginoo manimalos ug puno sa kapungot; ang Ginoo manimalos sa iyang mga kaaway ug nagtipig ug kaligutgot alang sa iyang mga kaaway.

Sofonias 1:18

Ang ilang plata ug ang ilang bulawan dili makaluwas kanila sa adlaw sa kaligutgot sa Ginoo, sa kalayo sa iyang pagpangabubho, ang tibuok kalibotan maut-ot; kay sa kalit taposon niya sa makalilisang gayod silang tanan nga nagpuyo sa yuta.

Sofonias 3:8

Busa paghulat kamo kanako, nag-ingon ang Ginoo, hangtod sa adlaw nga ako mobarog ingon nga saksi. Kay ang akong hukom mao ang pagtigom sa mga nasod, sa pagtigom sa mga gingharian, aron ibubo nako ibabaw kanila ang akong kayugot, ang tibuok kainit sa akong kasuko; kay ang tibuok nga yuta ut-oton pinaagi sa kalayo sa akong pangabubho.

Numeros 25:10

Ug ang Ginoo miingon kang Moises,

Juan 3:36

Ang motuo sa Anak may kinabuhi nga dayon; apan ang dili motuman sa Anak dili makakaplag sa kinabuhi, hinuon ang kapungot sa Dios magpabilin diha kaniya.

1 Mga Taga-Corinto 10:22

O, hagiton ba nato ang Ginoo sa pagpangabubho? Labaw pa ba kita ka kusgan kay kaniya?

2 Mga Taga-Corinto 11:2

Kay ako mibati ug diosnong pagpangabubho alang kaninyo, kay kamo ako na man nga gikasaad nga maasawa ngadto sa usa ka bana aron mapaila nga putling ulay ngadto kang Cristo.

Deuteronomio 29:20

Ang Ginoo dili mopasaylo kaniya kondili ang kapungot sa Ginoo ug ang iyang pangabubho magdilaab batok sa maong tawo ug ang tanang tunglo nga gisulat niining basahon maanaa sa ibabaw niya ug papason sa Ginoo ang iyang ngalan gikan sa ubos sa langit.

Deuteronomio 32:16

Gipasilaob nila siya diha sa pagpangabubho tungod sa laing mga dios; ilang gipasuko siya sa mga dulumtanang buhat.

Deuteronomio 32:21

Sila naghagit kanako sa pagpangabuho sa dili dios; ila akong gihagit pinaagi sa ilang mga diosdios. Busa hagiton nako sila sa pagpangabubho sa mga dili katawhan, pasuk-on nako sila sa mga nasod nga buangbuang.

Deuteronomio 4:24

Kay ang Ginoo nga inyong Dios mao ang kalayo nga nag-ut-ot, usa ka Dios nga abubhoan.

Josue 22:13

Unya ang katawhan sa Israel mipaadto kang Pinehas nga anak ni Eleasar nga pari, ngadto sa mga Rubenhanon, sa mga Gadihanon ug sa katunga sa banay ni Manases didto sa yuta sa Gilead.

Josue 24:19

Apan si Josue miingon sa katawhan, “Dili kamo makaalagad sa Ginoo kay siya balaan nga Dios. Siya Dios nga abubhoan; siya dili mopasaylo sa inyong mga kalapasan o sa inyong mga kasal-anan.