Numeros 24:7

Ang Biblia 2011

Ang tubig mag-awas gikan sa ilang mga timba, ug ang iyang binhi maanaa sa daghang katubigan, ug ang iyang hari labaw pa kay kang Agag, ug ang iyang gingharian himayaon.

Cross References

2 Samuel 5:12

Ug nasabot ni David nga ang Ginoo mao ang naghimo kaniya nga hari ibabaw sa Israel, ug nga iyang gibayaw ang iyang gingharian tungod ug alang sa iyang katawhan nga Israel.

1 Mga Hari 4:21

Ug si Solomon naghari sa tanang mga gingharian gikan sa Euphrates ngadto sa yuta sa mga Filistihanon ug ngadto sa utlanan sa Ehipto. Sila nagdala ug buhis ug nag-alagad kang Solomon sa tanang mga adlaw sa iyang kinabuhi.

1 Mga Hari 5:1

Unya si Hiram, nga hari sa Tiro nagpadala sa iyang mga sulugoon ngadto kang Solomon, sa diha nga nakabalita siya nga sila nagdihog kaniya nga hari puli sa iyang amahan, kay si Hiram kanunay nga nahigugma kang David.

1 Cronicas 14:2

Ug si David nakasabot nga ang Ginoo nagpahiluna kaniya ingon nga hari sa Israel ug nga ang iyang gingharian gipasidunggan tungod ug alang sa iyang katawhan nga Israel.

Esdras 4:20

Mga gamhanang hari ang nagmando sa Jerusalem, naghari sa tibuok nga lalawigan tabok sa Suba diin ang buhis, alkabala, ug bayranan alang sa dalan gibayad ngadto kanila.

Ester 3:1

Human niining mga butanga gipauswag ni Hari Ahasuero ang katungdanan ni Haman nga Agaghanon, anak ni Hamedata, ug gihimo siyang labaw ug gibutang ang iyang lingkoranan labaw sa tanang mga pangulo nga diha uban kaniya.

Salmo 18:43

Giluwas nimo ako gikan sa mga pakig-away sa katawhan; gihimo nimo ako nga pangulo sa mga nasod; ang katawhan nga wala nako mailhi nag-alagad kanako.

Salmo 68:26

“Dayega ninyo ang Dios diha sa dakong katilingban, ang Ginoo, O kamo nga gikan sa tuboran sa Israel!”

Salmo 72:11

Ang tanang mga hari magyukbo unta sa atubangan niya; mag-alagad unta kaniya ang tanang mga nasod!

Salmo 89:27

Himoon nako siya nga akong panganay, ang labing halangdon sa mga hari sa yuta.

Isaias 2:2

Mahitabo sa ulahing mga adlaw nga ang bukid sa balay sa Ginoo ipahiluna ingon nga kinahabogan sa kabukiran, ug ituboy ibabaw sa kabungtoran; ug ang tanang kanasoran mag-ambahan ngadto kaniya.

Isaias 30:25

Ug diha sa tanang habog nga bukid ug diha sa tanang habog nga bungtod modangat ang mga sapa ug mga suba sa mga tubig, sa adlaw sa dakong pagpamatay, sa diha nga mangapukan ang mga tore.

Isaias 48:1

Pamatia kini, O balay ni Jacob nga gitawag sa ngalan ni Israel, ug gikan sa kaliwat ni Juda nga nanumpa tungod sa ngalan sa Ginoo, ug nag-ila sa Dios sa Israel, apan dili diha sa kamatuoran o sa pagkamatarong.

Isaias 9:7

Mahitungod sa kauswagan sa iyang kagamhanan ug sa pakigdait kini walay kataposan, ibabaw sa trono ni David ug ibabaw sa iyang gingharian, aron sa pagtukod niini, ug sa pagtuboy niini uban ang hustisya ug pagkamatarong sukad karon ug hangtod sa kahangtoran. Ang kadasig sa Ginoo sa mga panon maoy maghimo niini.

Jeremias 51:13

O ikaw nga nagpuyo sa daghang katubigan, dato sa mga bahandi, ang imong kataposan miabot na, ang tanod sa imong kinabuhi giputol.

Daniel 2:44

Ug sa mga adlaw niadtong mga haria, ang Dios sa langit magtukod ug usa ka gingharian nga dili gayod malumpag, o ang gahom niini ikabilin sa laing katawhan. Kini magdugmok niining tanang mga gingharian ug magtapos kanila ug kini molungtad hangtod sa kahangtoran,

Numeros 24:20

Ug siya mitan-aw kang Amalek ug mihimo sa iyang pakigpulong ug miingon, “Si Amalek mao ang una sa mga nasod, apan sa kataposan siya modangat sa pagkalaglag.”

Juan 1:49

Ug si Natanael mitubag kaniya, “Rabi, ikaw mao ang Anak sa Dios! Ikaw mao ang Hari sa Israel!”

Gipadayag 11:15

Unya ang ikapitong anghel mipatingog sa iyang trumpeta, ug sa langit dihay mga kusog nga tingog nga nag-ingon, “Ang gingharian sa kalibotan nahimong gingharian sa atong Ginoo ug sa iyang Cristo, ug siya maghari hangtod sa kahangtoran.”

Gipadayag 17:1

Unya ang usa sa pito ka anghel nga may pito ka mga panaksan miabot ug miingon kanako, “Dali ngari, ipakita ko kanimo ang hukom batok sa bantogan nga daotang babaye nga naglingkod sa ibabaw sa daghang katubigan,

Gipadayag 17:15

Ug siya miingon kanako, “Ang katubigan nga imong nakita, diin naglingkod ang daotang babaye, mao mga tawo ug mga panon ug ang mga kanasoran ug mga pinulongan.

Gipadayag 19:16

Diha sa iyang bisti ug diha sa iyang paa siya may ngalan nga napatik: Hari sa mga hari ug Ginoo sa mga ginoo.