Numeros 24:6

Ang Biblia 2011

Sama sa mga walog sila nakatag, sama sa mga tanaman daplin sa suba, sama sa mga aloe nga gitanom sa Ginoo, sama sa mga cedro sa daplin sa katubigan.

Cross References

Genesis 13:10

Giyahat ni Lot ang iyang mga mata, ug nakita niya nga ang kapatagan sa Jordan daghan ug tubig sama sa tanaman sa Ginoo, sama sa yuta sa Ehipto paingon sa Zoar. Kini sa wala pa laglaga sa Ginoo ang Sodoma ug ang Gomora.

Salmo 1:3

Siya sama sa kahoy nga gitanom daplin sa kasapaan sa tubig, nga naghatag sa iyang bunga sa iyang panahon, ug ang iyang dahon dili malaya. Sa tanan niyang gibuhat siya nagmauswagon.

Salmo 104:16

Ang kakahoyan sa Ginoo gipatubigan sa kadagaya, ang mga cedro sa Lebanon nga iyang gitanom.

Salmo 45:8

ang tanan nimong kupo humot sa mira ug mga aloe ug casia. Gikan sa mga palasyo nga hinimo sa tango sa elepante ang mga tulunggon nga may kuwerdas naglipay kanimo;

Awit sa mga Awit 6:11

Ako miadto sa tanaman sa mga almendras, sa pagtan-aw sa mga bag-ong nanubo sa walog, sa pagtan-aw kon namulak na ba ang paras, ug namutot na ba ang granada.

Isaias 41:19

Sa kamingawan ako magbutang ug cedro, acacia, mirto, ug olibo; ibutang nako sa kamingawan ang sipre, ang olmos, ug ang aguho nga magtipon,

Isaias 58:11

Ug ang Ginoo maggiya kanimo sa kanunay, ug magtagbaw sa imong tinguha pinaagi sa mga maayong butang, ug maghimo sa imong mga bukog nga lig-on; ug ikaw mahimong sama sa usa ka tanaman nga gipatubigan, sama sa usa ka tubod sa tubig, nga ang mga katubigan walay paghubas.

Jeremias 17:18

Pakaulawi kadtong naglutos kanako, apan ayaw ako pakaulawi; lisanga sila, apan ayaw ako lisanga; ipadangat kanila ang adlaw sa kadaotan; laglaga sila sa pinilo nga pagkalaglag!

Jeremias 31:12

Busa sila manganhi ug sa kusog nga tingog mag-awit diha sa bungtod sa Zion, ug sila magsidlak tungod sa kaayo sa Ginoo, tungod sa trigo, sa bino ug sa lana, ug sa nati sa panon sa karnero ug sa baka; ang ilang kinabuhi mahisama sa usa ka tanaman nga binuboan ug tubig, ug sila dili na gayod magsubo pa.

Ezequiel 47:12

Sa mga tampi sa suba, sa duha ka daplin sa suba, manubo ang tanang mga kahoy nga makaon, nga ang dahon dili malaya o mawad-an sa iyang bunga. Kini mobunga ug bag-ong bunga matag bulan, tungod kay ang tubig alang niini nagdayday man gikan sa balaang dapit, ug ang bunga niini makaon ug ang dahon niini alang sa pagpanambal.”

Joel 3:18

“Nianang adlawa, ang kabukiran magpatulo ug tam-is nga bino, ug ang kabungtoran magpaagas ug gatas, ug ang tanang mga sapa sa Juda magpadagayday sa tubig; usa ka tuboran motungha gikan sa balay sa Ginoo, ug patubigan niini ang walog sa Sitim.

Numeros 24:5

pagkaanindot sa imong mga tolda, O Jacob, ang imong mga puluy-anan, O Israel!