Numeros 24:19

Ang Biblia 2011

Gikan kang Jacob adunay usa nga magmando, ug maglaglag sa nahibilin sa mga siyudad!”

Cross References

Genesis 49:10

Ang sitro dili mobiya gikan kang Juda, o ang baston sa tigmando gikan sa taliwala sa iyang mga tiil, hangtod nga siya nga tag-iya niini moabot ug maiya ang pagkamasinugtanon sa mga katawhan.

Isaias 11:10

Nianang adlawa ang gamot ni Jesse magtindog ingon nga usa ka bandila sa mga katawhan. Kaniya mangita ang mga nasod, ug ang iyang puluy-anan mahimong mahimayaon.

Miqueas 5:2

Apan ikaw, O Betlehem Efrata, ikaw nga gamayng lungsod diha sa kabanayan sa Juda, gikan kanimo mogula alang kanako ang mahimong tigmando sa Israel, nga ang kagikan gikan pa sa kanhing panahon, gikan sa kakaraanan.

Miqueas 5:4

Ug siya motindog ug magpakaon sa iyang panon diha sa kusog sa Ginoo, diha sa pagkahalangdon sa ngalan sa Ginoo nga iyang Dios. Ug sila magpuyo nga layo sa kakuyaw kay karon siya mahimong bantogan hangtod sa mga kinatumyan sa kalibotan.

Numeros 24:18

Ang Edom ilogon, ang Seir usab nga iyang kaaway ilogon, samtang ang Israel magmaisogon.

Numeros 24:20

Ug siya mitan-aw kang Amalek ug mihimo sa iyang pakigpulong ug miingon, “Si Amalek mao ang una sa mga nasod, apan sa kataposan siya modangat sa pagkalaglag.”

Mateo 25:46

Ug sila moadto sa silot nga dayon apan ang mga matarong ngadto sa kinabuhing dayon.”

Mateo 28:18

Ug si Jesus miduol ug miingon kanila, “Ang tanang kagahom sa langit ug sa yuta gihatag kanako.

Lucas 19:12

Busa miingon siya, “Usa ka tawong dungganan milakaw ngadto sa layong dapit aron pagdawat alang sa iyang kaugalingon ug usa ka gingharian, ug unya mobalik siya.

Lucas 19:27

Ug mahitungod niining akong mga kaaway nga dili buot nga ako ang maghari kanila, dad-a sila dinhi ug patya sila sa akong atubangan.’ ”

1 Mga Taga-Corinto 15:25

Kay kinahanglang maghari siya hangtod nga ang tanang kaaway ikabutang na niya diha sa ilalom sa iyang mga tiil.

Mga Hebreo 1:8

Apan mahitungod sa Anak siya miingon, “Ang imong trono, O Dios, hangtod sa kahangtoran, ang matarong nga sitro mao ang sitro sa imong gingharian.

1 Pedro 3:22

nga miadto sa langit ug karon anaa sa tuo sa Dios, ug kaniya nailalom ang mga anghel ug mga langitnong kagahom ug mga gahom.

Gipadayag 19:16

Diha sa iyang bisti ug diha sa iyang paa siya may ngalan nga napatik: Hari sa mga hari ug Ginoo sa mga ginoo.