Numeros 24:17

Ang Biblia 2011

nakita nako siya apan dili karon; nasud-ong nako siya, apan dili sa duol— adunay bituon nga moabot gikan kang Jacob, ug usa ka sitro motindog gikan sa Israel, ug magdugmok sa mga utlanan sa Moab, ug maglaglag sa tanang mga anak ni Set.

Cross References

Genesis 49:10

Ang sitro dili mobiya gikan kang Juda, o ang baston sa tigmando gikan sa taliwala sa iyang mga tiil, hangtod nga siya nga tag-iya niini moabot ug maiya ang pagkamasinugtanon sa mga katawhan.

2 Samuel 8:14

Ug siya nagbutang ug mga sundalo nga bantay sa kuta didto sa Edom, sa tibuok Edom siya nagbutang ug mga sundalo nga bantay sa kuta, ug ang tanang mga Edomhanon nahimong mga sulugoon ni David. Ug ang Ginoo mihatag ug kadaogan kang David, bisan diin siya miadto.

2 Samuel 8:2

Iyang gibuntog ang Moab ug gisukod sila pinaagi sa pisi ug gipahigda sila sa yuta. Ang duha ka laray iyang gisukod aron patyon ug luwason niya ang usa ka laray. Ug ang mga Moabihanon nahimong mga sulugoon ni David ug naghatag ug buhis.

2 Mga Hari 3:5

Apan sa pagkamatay na ni Ahab, ang hari sa Moab mialsa batok sa hari sa Israel.

1 Cronicas 18:2

Iyang gibuntog ang Moab ug ang mga Moabihanon nahimong mga sulugoon ni David ug nagdala sila ug buhis.

Salmo 110:2

Ang magpadala sa imong gamhanang sitro ipadala sa Ginoo gikan sa Zion. Paghari sa taliwala sa imong mga kaaway!

Salmo 45:6

Ang imong trono, O Dios, molungtad hangtod sa kahangtoran. Ang imong harianong sitro, sitro sa kaangayan;

Isaias 15:1

Ang mensahe mahitungod sa Moab. Tungod kay ang Ar gilaglag sulod sa usa ka gabii, ang Moab nalumpag; tungod kay ang Kir gilaglag sulod sa usa ka gabii, ang Moab nalumpag.

Isaias 9:7

Mahitungod sa kauswagan sa iyang kagamhanan ug sa pakigdait kini walay kataposan, ibabaw sa trono ni David ug ibabaw sa iyang gingharian, aron sa pagtukod niini, ug sa pagtuboy niini uban ang hustisya ug pagkamatarong sukad karon ug hangtod sa kahangtoran. Ang kadasig sa Ginoo sa mga panon maoy maghimo niini.

Jeremias 48:1

Mahitungod sa Moab. Mao kini ang giingon sa Ginoo sa mga panon, ang Dios sa Israel: “Alaot ang Nebo, kay nalaglag kini! Ang Kiriataim gipakaulawan, kini nailog; ang panalipod gipakaulawan ug nagun-ob;

Jeremias 48:45

“Sa landong sa Hesbon ang mga kagiw mihunong nga walay kusog; kay ang usa ka kalayo migula gikan sa Hesbon, usa ka siga gikan sa balay ni Sihon; kini milaglag sa agtang sa Moab, ang korona sa mga anak sa kagubot.

Zacarias 10:4

Gikan kanila mogula ang ulohang bato nga sukaranan, gikan kanila ang ugsok sa tolda, gikan kanila ang pana alang sa gubat, gikan kanila ang tanang tigdumala.

Zacarias 12:10

“Ug ibubo nako ibabaw sa balay ni David ug sa mga nagpuyo sa Jerusalem ang espiritu sa kaluoy ug sa pagpangamuyo, aron nga sa dihang motan-aw sila kaniya nga ilang giduslak, sila magsubo tungod kaniya, sama sa magsubo tungod sa bugtong niyang anak ug maghilak pag-ayo tungod kaniya, sama sa maghilak tungod sa iyang panganay nga anak.

Numeros 21:29

Alaot ikaw, O Moab! Ikaw nalaglag, O katawhan sa Kemos! Siya naghimo sa iyang mga anak nga lalaki nga mga kagiw ug sa iyang mga anak nga babaye nga mga binihag ngadto kang Sihon nga hari sa mga Amorihanon.

Numeros 24:16

ang gipamulong niya nga nakadungog sa mga pulong sa Dios ug nahibalo sa kahibalo sa Labing Halangdon, nga nakakita sa panan-awon sa Labing Gamhanan, nga natumba apan ang iyang mga mata wala taptapi:

Lucas 1:78

pinaagi sa malumong kaluoy sa atong Dios sa dihang moabot kanato ang adlaw gikan sa kahitas-an,

Mga Hebreo 1:8

Apan mahitungod sa Anak siya miingon, “Ang imong trono, O Dios, hangtod sa kahangtoran, ang matarong nga sitro mao ang sitro sa imong gingharian.

Mga Hebreo 7:14

Kay tin-aw man kaayo nga ang atong Ginoo natawo gikan kang Juda ug mahitungod niining banaya si Moises wala maghisgot ug pagkapari.

2 Pedro 1:19

Ug napamatud-an pa gayod ang pulong sa propesiya nga among gibatonan. Maayo nga inyong himoon ang pagtagad niini sama sa usa ka suga nga nagsiga sa ngitngit nga dapit, hangtod magsingabot na ang adlaw ug mosubang ang bituon nga kabugason diha sa inyong mga kasingkasing.

Judas 1:11

Alaot sila! Kay sila naglakaw subay sa dalan ni Cain, ug tungod sa pagpanapi ilang gipatuyangan ang ilang kaugalingon ngadto sa sayop ni Balaam, ug nangalaglag diha sa pagsupil ni Korah.

Gipadayag 1:7

Tan-awa, siya moabot uban sa mga panganod; ug makita siya sa tanang mata, sa tanang miduslak kaniya; ug ang tanang kabanayan sa yuta magminatay tungod kaniya. Oo. Amen.

Gipadayag 11:15

Unya ang ikapitong anghel mipatingog sa iyang trumpeta, ug sa langit dihay mga kusog nga tingog nga nag-ingon, “Ang gingharian sa kalibotan nahimong gingharian sa atong Ginoo ug sa iyang Cristo, ug siya maghari hangtod sa kahangtoran.”

Gipadayag 22:16

“Ako, si Jesus, ang nagpadala kaninyo sa akong anghel uban niining pagpamatuod alang sa mga iglesia. Ako mao ang gamot ug ang kaliwat ni David, ang hayag nga bituon sa kabuntagon.”

1 Samuel 14:38

Ug si Saul miingon, “Paduol kamo kanako, kamong tanang mga pangulo sa katawhan ug ilha ug tan-awa kon diin gikan kining salaa niining adlawa.