Numeros 23:5

Ang Biblia 2011

Ug ang Ginoo nagbutang ug pulong diha sa baba ni Balaam ug miingon, “Balik ngadto kang Balak ug mao kini ang imong isulti.”

Cross References

Exodo 4:15

Ug ikaw mosulti kaniya ug magbutang sa mga pulong sa iyang baba ug ako mag-uban sa imong baba ug sa iya usab ug ako magtudlo kaninyo sa inyong buhaton.

Mga Panultihon 16:1

Ang mga laraw sa kasingkasing iya sa tawo, apan ang tubag sa dila gikan sa Ginoo.

Mga Panultihon 16:9

Ang kasingkasing sa tawo maglaraw sa iyang pamaagi, apan ang Ginoo magmando sa iyang mga lakang.

Isaias 51:16

Ug gibutang nako ang akong mga pulong diha sa imong baba, ug nagtago kanimo diha sa landong sa akong kamot, nagpahimutang sa kalangitan, ug magpahiluna sa mga patukoranan sa yuta, ug nag-ingon sa Zion, ‘Ikaw mao ang akong katawhan.’ ”

Isaias 59:21

“Ug alang kanako, kini mao ang akong kasabotan uban kanila, nag-ingon ang Ginoo: ang akong Espiritu nga anaa sa ibabaw nimo, ug ang akong mga pulong nga akong gibutang sa imong baba, dili mobulag gikan sa imong baba, o gikan sa baba sa imong mga anak, o gikan sa baba sa mga anak sa imong mga anak, nag-ingon ang Ginoo, sukad karon ug hangtod sa kahangtoran.”

Jeremias 1:9

Unya ang Ginoo mituy-od sa iyang kamot ug mihikap sa akong baba, ug ang Ginoo miingon kanako, “Ania, ako nagbutang sa akong mga pulong diha sa imong baba.

Numeros 22:20

Ug ang Dios miadto kang Balaam sa pagkagabii ug miingon kaniya, “Kon manganhi ang mga tawo sa pagtawag kanimo, tindog ug uban kanila, apan ang isugo lamang nako kanimo maoy imong buhaton!”

Numeros 22:35

Ug ang anghel sa Ginoo miingon kang Balaam, “Kuyog sa mga tawo apan ang pulong lamang nga ipasulti nako kanimo maoy imong isulti.” Busa si Balaam mikuyog sa mga pangulo ni Balak.

Numeros 23:16

Ug ang Ginoo nakigtagbo kang Balaam ug nagbutang ug pulong diha sa baba niya ug miingon, “Balik ngadto kang Balak, ug mao kini ang imong isulti.”

Numeros 23:4

Ug ang Dios nakigtagbo kang Balaam ug si Balaam miingon kaniya, “Ako nag-andam ug pito ka halaran, ug ako naghalad ug usa ka torong baka ug usa ka laking karnero sa ibabaw sa matag halaran.”

Numeros 23:6

Ug siya mibalik ngadto kang Balak ug siya ug ang tanang mga pangulo sa Moab nagtindog duol sa iyang halad nga sunogon.

Lucas 12:12

kay ang Espiritu Santo magtudlo ra kaninyo nianang panahona kon unsay kinahanglan ninyong isulti.”

Juan 11:51

Gisulti niya kini dili gikan sa iyang kaugalingon kondili ingon nga siya ang labawng pangulong pari niadtong tuiga, siya nagpropesiya nga si Jesus mamatay alang sa nasod,

Deuteronomio 18:18

Magpatindog ako alang kanila ug usa ka propeta nga sama kanimo gikan sa taliwala sa ilang mga igsoon ug ibutang nako ang akong mga pulong sa iyang baba ug siya magsulti kanila sa tanan nga gisugo nako kaniya.