Numeros 23:23

Ang Biblia 2011

Wala gayoy panglamat batok kang Jacob, walay pagpanagna batok sa Israel. Karon ikasulti kini mahitungod kang Jacob ug sa Israel, ‘Unsa ang nabuhat sa Dios!’

Cross References

Genesis 3:15

Ug ibutang nako ang panag-away tali kanimo ug sa babaye ug tali sa imong kaliwat ug sa iyang kaliwat; siya magsamad sa imong ulo, ug ikaw magsamad sa iyang tikod.”

Salmo 31:19

Pagkadako gayod sa imong kaayo nga gitagana nimo sa mga may kahadlok kanimo, ug giandam nimo alang kanila nga midangop kanimo, sa atubangan sa mga anak sa katawhan!

Salmo 64:9

Unya ang tanang mga tawo mangahadlok; sila magsugid sa buhat sa Dios, ug mamalandong sila sa iyang nabuhat.

Isaias 41:4

Kinsay nakabuhat ug nakahimo niini, nagtawag sa mga kaliwatan gikan sa sinugdan? Ako, ang Ginoo, ang una, ug ako ang kataposan.

Isaias 44:25

nga nagpakyas sa mga timailhan sa mga bakakon, ug naghimo nga buang sa mga tigpanagna, nga nagpasibog sa mga tawo nga maalamon, ug naghimo sa ilang kahibalo nga binuang;

Ezequiel 21:21

Kay ang hari sa Babilonia nagtindog sa kinasang-an sa dalan, sa ulohan sa duha ka dalan, aron sa pagtagna-tagna. Iyang giuyog ang mga udyong, nagpakitambag siya sa mga larawan, mitan-aw siya sa atay.

Daniel 9:15

Ug karon, O Ginoo nga among Dios nga nagdala sa imong katawhan gawas sa yuta sa Ehipto pinaagi sa gamhanang kamot, ug naghimo ug ngalan alang kanimo hangtod niining adlawa, kami nakasala, kami nagbuhat ug daotan.

Miqueas 7:15

Sama sa mga adlaw sa paggula nimo gikan sa yuta sa Ehipto, ipakita nako kanila ang mga butang nga kahibulongan.

Numeros 24:1

Ug sa nakita ni Balaam nga nakapahimuot sa Ginoo ang pagpanalangin sa Israel, siya wala moadto ingon sa ubang mga panahon sa pagpangita ug mga tilimad-on, hinuon miatubang siya sa kamingawan.

Mateo 12:25

Apan si Jesus nga nasayod sa ilang mga hunahuna miingon kanila, “Ang matag gingharian nga mabahin batok sa iyang kaugalingon mapukan, ug ang matag siyudad o balay nga mabahin batok sa iyang kaugalingon dili motunhay.

Mateo 12:27

Ug kon pinaagi kang Beelzebul gihinginlan nako ang mga demonyo, pinaagi kang kinsa ba diay ang inyong mga anak naghingilin kanila? Busa sila mao ang maghukom kaninyo.

Mateo 16:18

Ug sultihan ko ikaw, nga ikaw mao si Pedro ug sa ibabaw niining bato tukoron nako ang akong iglesia ug ang mga ganghaan sa Hades dili gayod makabuntog niini.

Juan 11:47

Busa ang mga pangulong pari ug ang mga Pariseo mipatigom sa Sanhedrin ug miingon, “Unsa may atong buhaton? Kay kining tawhana naghimo man ug daghang mga milagro.

Mga Buhat 10:38

giunsa sa Dios pagdihog pinaagi sa Espiritu Santo ug sa gahom, giunsa niya paglibot aron sa pagbuhat ug maayo ug sa pagpang-ayo sa tanang gisakit sa yawa, kay ang Dios nag-uban kaniya.

Mga Buhat 15:12

Unya nahilom ang tibuok pundok, ug namati sila kang Bernabe ug kang Pablo nga nagsugilon sa mga ilhanan ug mga katingalahan nga gibuhat sa Dios pinaagi kanila ngadto sa mga Gentil.

Mga Buhat 4:16

nga nag-ingon, “Unsa may atong buhaton niining mga tawhana? Kay dayag man gayod kaayo sa tanang nagpuyo sa Jerusalem nga pinaagi kanila nahimo ang usa ka dayag nga milagro, ug dili kita makalimod niini.

Mga Buhat 5:12

Ug pinaagi sa mga kamot sa mga apostoles, daghan ang mga ilhanan ug mga kahibulongan nga nahimo diha sa mga tawo. Ug silang tanan didto magtigom sa Portico ni Solomon.

Mga Buhat 5:14

Ug misamot ka daghan ang mga magtutuo nga nadugang ngadto sa Ginoo, mga pundok sa mga lalaki ug sa mga babaye,

Roma 16:20

Ug sa dili madugay ang Dios sa kalinaw magdugmok kang Satanas diha sa ilalom sa inyong mga tiil. Ang grasya sa atong Ginoong Jesu-Cristo mag-uban kaninyo.

Deuteronomio 3:24

‘O, Ginoong Dios, ikaw nagsugod sa pagpakita sa imong pagkadako ug sa imong gamhanang kamot ngadto sa imong ulipon, kay unsa ba nga dios ang anaa sa langit o anaa sa yuta nga makabuhat nianang mga buhat ug gamhanang mga buhat sama kanimo?

Josue 13:22

Si Balaam usab nga anak ni Beor, ang tigpanagna, gipatay sa katawhan sa Israel uban sa tanang mga gipatay nila.

Gipadayag 12:9

Ug gitambog ang dakong dragon, ang bitin nga karaan, ang ginganlag Yawa ug Satanas, ang tiglimbong sa tibuok kalibotan—gitambog ngadto sa kalibotan, ug ang iyang mga anghel gitambog uban kaniya.