Numeros 23:10

Ang Biblia 2011

Kinsa ba ang makaihap sa abog ni Jacob o makaihap sa ikaupat nga bahin sa Israel? Tugoti ako nga mamatay sa kamatayon sa matarong, ug himoa nga ang akong kataposan mahisama sa iyang kataposan!”

Cross References

Genesis 13:16

Buhaton nako ang imong mga kaliwat nga ingon sa abog sa yuta, nga kon adunay tawo nga makaihap sa abog sa yuta, ang imong kaliwatan usab mahimong maihap.

Genesis 22:17

ikaw panalanginan gayod nako ug akong padaghanon ang imong mga kaliwat sama sa mga bituon sa langit ug ingon sa balas nga anaa sa baybayon sa dagat, ug ang imong mga kaliwat manag-iya sa ganghaan sa ilang mga kaaway.

Genesis 28:14

Ug ang imong mga kaliwat mahimong sama sa abog sa yuta ug mokatap kamo ngadto sa kasadpan, sa silangan, sa amihanan ug sa habagatan. Ug pinaagi kanimo ug sa imong kaliwatan panalanginan ang tanan nga mga kabanayan sa yuta.

Salmo 116:15

Bililhon sa panan-aw sa Ginoo ang kamatayon sa iyang mga balaan.

Salmo 37:37

Timan-i ang tawong dili masaway, ug tan-awa ang matarong, kay ang sangpotanan nianang tawhana kauswagan.

Mga Panultihon 14:32

Ang daotan mapukan tungod sa iyang buhat nga daotan, apan ang matarong makakita ug dalangpanan pinaagi sa iyang kaligdong.

Numeros 2:16

Ang kinatibuk-ang gidaghanon sa kampo ni Ruben 151,450, sumala sa ilang mga panon. Ug sila maoy mosunod sa pagpanglakaw.

Numeros 2:24

Ang kinatibuk-ang gidaghanon sa kampo ni Efraim 108,100, sumala sa ilang mga panon. Ug sila maoy ikatulo nga manglakaw.

Numeros 2:31

Ang kinatibuk-ang gidaghanon sa kampo ni Dan 157,600. Sila ang kataposang manglakaw, sumala sa ilang mga bandila.”

Numeros 2:9

Ang kinatibuk-ang gidaghanon sa kampo ni Juda 186,400, sumala sa ilang mga panon. Sila maoy mouna sa pagpanglakaw.

Numeros 31:8

Gipatay nila uban sa ilang mga gipamatay ang mga hari sa Midian nga si Evi, si Rekem, si Zur, si Hur ug si Reba, ang lima ka hari sa Midian, ug gipatay nila si Balaam nga anak ni Beor pinaagi sa espada.

2 Mga Taga-Corinto 5:1

Kay kita nasayod nga kon madugta na kining atong yutan-ong puluy-anan nga tolda, aduna kitay tinukod sa Dios, usa ka balay nga dili binuhat sa mga kamot, walay kataposan didto sa langit.

Gipadayag 14:13

Ug nabati nako gikan sa langit ang usa ka tingog nga nag-ingon, “Isulat kini: Bulahan ang mga patay nga nangamatay diha sa Ginoo sukad karon.” “Bulahan gayod,” nag-ingon ang Espiritu, “aron makapahulay na sila gikan sa ilang mga paghago, kay ang ilang binuhatan mokuyog man kanila!”