Numeros 22:8

Ang Biblia 2011

Ug siya miingon kanila, “Pahulay kamo dinhi karong gabii ug isugilon nako kaninyo ang mga pulong nga isulti kanako sa Ginoo.” Busa ang mga pangulo sa Moab nagpabilin uban kang Balaam.

Cross References

1 Mga Hari 13:8

Ug ang tawo sa Dios miingon sa hari, “Kon hatagan nimo ako ug katunga sa imong balay, dili ako mouban kanimo. Dili usab ako mokaon ug pan o moinom ug tubig niining dapita,

1 Mga Hari 22:14

Ug si Micaias miingon, “Ingon nga ang Ginoo buhi, unsay isulti sa Ginoo kanako, kini maoy akong isulti.”

Jeremias 12:2

Gitanom nimo sila ug sila nanggamot; sila mitubo ug namunga; ikaw duol sa ilang baba, ug layo sa ilang kasingkasing.

Ezequiel 33:31

Ug sila manganha kanimo sama sa katawhan nga manganha, ug sila manglingkod sa imong atubangan ingon nga akong katawhan ug sila mamati sa imong mga pulong, apan sila dili magbuhat niini, kay pinaagi sa ilang mga baba sila magpakita sa hilabihang gugma, apan ang ilang kasingkasing nagsunod sa ilang ganansiya.

Numeros 12:6

Ug siya miingon, “Pamatia ninyo ang akong mga pulong: Kon adunay usa ka propeta sa taliwala ninyo, ako, ang Ginoo magpakita kaniya sa usa ka panan-awon, ako makigsulti kaniya pinaagi sa usa ka damgo.

Numeros 22:18

Apan si Balaam mitubag ug miingon sa mga alagad ni Balak, “Bisan pa ug ihatag ni Balak kanako ang iyang balay nga puno sa plata ug bulawan, dili nako mahimo ang paglapas sa pulong sa Ginoo nga akong Dios, aron sa pagbuhat ug kulang o kapin.

Numeros 22:38

Si Balaam miingon kang Balak, “Ania ako karon mianhi kanimo! Aduna ba akoy gahom karon sa pagsulti ug bisan unsa? Ang pulong nga ibutang sa Dios sa akong baba, kana maoy akong isulti.”

Numeros 22:7

Busa ang mga kadagkoan sa Moab ug ang mga kadagkoan sa Midian namiya dala ang mga bayad sa pagpanagna diha sa ilang kamot ug miabot sila kang Balaam ug gisulti nila kaniya ang mga pulong ni Balak.

Numeros 22:9

Ug ang Dios miadto kang Balaam ug miingon, “Kinsa ba kining mga tawhana nga uban kanimo?”

Numeros 23:12

Ug siya mitubag, “Kinahanglan ba nga dili ako magtagad sa pagsulti sa unsay gibutang sa Ginoo sa akong baba?”

Numeros 23:3

Ug si Balaam miingon kang Balak, “Tindog tupad sa imong halad nga sunogon ug ako moadto, basin ug ang Ginoo moanhi sa pagpakigtagbo kanako. Ug bisan unsa nga iyang ipakita kanako, akong isugilon kanimo.” Ug siya miadto sa usa ka hawan nga bukid.

Numeros 24:13

‘Kon si Balak maghatag kanako sa iyang balay nga puno sa plata ug bulawan, dili ako makahimo sa paglapas sa pulong sa Ginoo, aron sa pagbuhat ug maayo o daotan gikan sa akong kaugalingong pagbuot kon unsa ang gisulti sa Ginoo, kana maoy akong isulti’?