Numeros 22:6

Ang Biblia 2011

Busa dali ngari, tungloha kining maong katawhan alang kanako kay sila gamhanan kaayo kay kanako, basin na lamang ug mabuntog nako sila ug maghingilin kanila gikan sa yuta; kay ako nahibalo nga ang imong panalanginan mabulahan ug ang imong tunglohon matinunglo.”

Cross References

Genesis 12:3

Panalanginan nako ang nagpanalangin kanimo ug ang nagtunglo kanimo tunglohon usab nako ug pinaagi kanimo panalanginan ang tanang kabanayan sa yuta.”

Genesis 27:29

Mag-alagad kanimo ang mga katawhan, ug ang mga nasod mangyukbo kanimo. Mahimo ikaw nga agalon sa imong mga igsoon, ug mangyukbo unta kanimo ang mga anak sa imong inahan. Matinunglo unta ang magtunglo kanimo, ug mapanalanginan ang nagpanalangin kanimo!”

1 Mga Hari 22:13

Ug ang sulugoon nga miadto aron sa pagtawag kang Micaias misulti kaniya, “Tan-awa, ang mga pulong sa mga propeta naghiusa sa pagpadayag sa maayo alang sa hari. Ako naghangyo kanimo, himoa nga ang imong pulong sama sa pulong sa usa kanila ug magsulti ikaw ug maayo.”

1 Mga Hari 22:6

Unya gitigom sa hari sa Israel ang mga propeta, mga upat ka gatos ka tawo, ug giingnan sila, “Moadto ba ako sa Ramot-gilead aron sa pagpakiggubat o pasagdan ba lamang nako kini?” Ug sila miingon, “Tungas kay ang Ginoo magtugyan niini ngadto sa kamot sa hari.”

1 Mga Hari 22:8

Ug ang hari sa Israel miingon kang Jehosafat, “Ania pay usa ka tawo nga pinaagi kaniya magpakisayod kita mahitungod sa Ginoo, si Micaias nga anak ni Imla, apan nagdumot ako kaniya, kay wala siya magpropesiya ug maayo mahitungod kanako, kondili daotan.” Ug si Jehosafat miingon, “Dili unta magsulti ang hari sa ingon.”

Nehemias 13:2

tungod kay wala nila tagboa ang katawhan sa Israel uban sa pan ug tubig, hinuon misuhol kang Balaam batok kanila aron sa pagtunglo kanila, apan ang among Dios naghimo sa tunglo ngadto sa usa ka panalangin.

Salmo 109:28

Patungloha sila, apan ikaw magpanalangin! Pakaulawi ang misulong kanako; malipay unta ang imong alagad!

Mga Panultihon 26:2

Sama sa goryon sa iyang paghaguros, sama sa langgam nga sayaw sa iyang paglupad, ang pagtunglo nga walay hinungdan dili modangat.

Ezequiel 13:6

Sila nagsulti sa kabakakan ug nagpropesiya ug bakak nga nag-ingon, ‘Ang Ginoo nag-ingon,’ apan ang Ginoo wala magpadala kanila ug sila nagpaabot kaniya nga motuman sa ilang pulong.

Miqueas 6:5

O akong katawhan, hinumdomi unsa ang gilaraw ni Balak nga hari sa Moab, ug kon unsa ang gitubag kaniya ni Balaam nga anak ni Beor ug unsa ang nahitabo gikan sa Sitim ngadto sa Gilgal, aron kamo mahibalo sa pagkamatarong sa Ginoo.”

Numeros 22:12

Ug ang Dios miingon kang Balaam, “Dili ka mouban kanila; dili ka magtunglo sa katawhan kay gipanalanginan sila.”

Numeros 22:17

kay pasidunggan ko gayod ikaw ug buhaton nako ang tanan nga imong isulti kanako. Busa dali ngari, tungloha alang kanako kining maong katawhan.”

Numeros 23:13

Ug si Balak miingon kaniya, “Dali, ako naghangyo kanimo, uban kanako ngadto sa laing dapit diin didto ikaw makakita kanila. Ikaw makakita lamang sa kinaduolan nila ug dili ikaw makakita kanilang tanan, ug tungloha sila alang kanako gikan didto.”

Numeros 23:27

Ug si Balak miingon kang Balaam, “Dali dayon, dad-on ko ikaw sa laing dapit, basin pa lamang ug kini makapahimuot sa Dios nga ikaw magtunglo kanila alang kanako gikan didto.”

Numeros 24:9

Siya mipauraray, siya mihigda sama sa usa ka liyon, ug sama sa usa ka baye nga liyon; kinsa ang mopukaw kaniya? Bulahan ang tanan nga magpanalangin kanimo, ug tinunglo ang tanan nga magtunglo kanimo.”

Mga Buhat 16:16

Unya samtang nagpaingon kami sa dapit nga ampoanan, gikasugat kami sa usa ka babayeng sulugoon nga may espiritu sa pagpanag-an, ug naghatag ug dakong kita sa iyang mga agalon pinaagi sa iyang pagpanag-an.

Deuteronomio 23:4

Kay sila wala motagbo kaninyo nga uban ug pan ug tubig diha sa dalan, sa dihang mibiya kamo sa Ehipto ug kay nagsuhol sila batok kaninyo kang Balaam nga anak ni Beor sa Petor sa Mesopotamia aron siya magtunglo kaninyo.

Josue 24:9

Unya si Balak nga anak ni Zipor ug hari sa Moab, mibarog ug nakig-away batok sa Israel; ug iyang gipaadto ug gipatawag si Balaam nga anak ni Beor aron sa pagtunglo kaninyo.

1 Samuel 17:43

Ug ang Filistihanon miingon kang David, “Iro ba ako, nga ikaw mianhi kanako uban sa mga sungkod?” Ug ang Filistihanon mitunglo kang David pinaagi sa iyang mga dios.