Numeros 22:5

Ang Biblia 2011

nagpadala ug mga sulugoon ngadto kang Balaam nga anak ni Beor didto sa Petor nga anaa duol sa suba sa yuta sa Amaw, sa pagtawag kaniya, nga nag-ingon, “Tan-awa, usa ka katawhan nga migula gikan sa Ehipto; milukop sila sa tibuok yuta ug nagpuyo sila atbang kanako.

Cross References

Genesis 13:16

Buhaton nako ang imong mga kaliwat nga ingon sa abog sa yuta, nga kon adunay tawo nga makaihap sa abog sa yuta, ang imong kaliwatan usab mahimong maihap.

Salmo 105:24

Ug gihimong mabungahon pag-ayo sa Ginoo ang iyang katawhan ug gihimo silang kusgan kay sa ilang mga kabatok.

Exodo 10:15

Kay sila milukop sa tibuok yuta, hangtod nga mingitngit ang tibuok dapit, ug gikaon nila ang tanang tanom sa yuta, ug ang tanang bunga sa mga kahoy nga gibilin sa ulan nga yelo. Walay nahibilin nga butang nga lunhaw, bisan kahoy o tanom sa kaumahan sa tibuok yuta sa Ehipto.

Miqueas 6:5

O akong katawhan, hinumdomi unsa ang gilaraw ni Balak nga hari sa Moab, ug kon unsa ang gitubag kaniya ni Balaam nga anak ni Beor ug unsa ang nahitabo gikan sa Sitim ngadto sa Gilgal, aron kamo mahibalo sa pagkamatarong sa Ginoo.”

Numeros 23:7

Ug si Balaam mihimo sa iyang pakigpulong ug miingon, “Gikan sa Aram si Balak nagdala kanako, ang hari sa Moab gikan sa mga kabukiran sa silangan: ‘Dali, tungloha si Jacob alang kanako, ug dali, panghimaraota ang Israel!’

Numeros 31:8

Gipatay nila uban sa ilang mga gipamatay ang mga hari sa Midian nga si Evi, si Rekem, si Zur, si Hur ug si Reba, ang lima ka hari sa Midian, ug gipatay nila si Balaam nga anak ni Beor pinaagi sa espada.

Deuteronomio 23:4

Kay sila wala motagbo kaninyo nga uban ug pan ug tubig diha sa dalan, sa dihang mibiya kamo sa Ehipto ug kay nagsuhol sila batok kaninyo kang Balaam nga anak ni Beor sa Petor sa Mesopotamia aron siya magtunglo kaninyo.

Deuteronomio 23:5

Apan ang Ginoo nga inyong Dios dili buot mamati kang Balaam kondili gibalhin sa Ginoo nga inyong Dios ang tunglo ngadto sa panalangin alang kaninyo kay ang Ginoo nga inyong Dios nahigugma kaninyo.

Josue 13:22

Si Balaam usab nga anak ni Beor, ang tigpanagna, gipatay sa katawhan sa Israel uban sa tanang mga gipatay nila.

Josue 24:9

Unya si Balak nga anak ni Zipor ug hari sa Moab, mibarog ug nakig-away batok sa Israel; ug iyang gipaadto ug gipatawag si Balaam nga anak ni Beor aron sa pagtunglo kaninyo.

Judas 1:11

Alaot sila! Kay sila naglakaw subay sa dalan ni Cain, ug tungod sa pagpanapi ilang gipatuyangan ang ilang kaugalingon ngadto sa sayop ni Balaam, ug nangalaglag diha sa pagsupil ni Korah.

Gipadayag 2:14

Apan aduna akoy pipila ka butang batok kanimo: anaa diha kanimo ang pipila nga nagsunod sa gitudlo ni Balaam nga mao ang nagtudlo kang Balak sa pagbutang ug kapandolan sa atubangan sa mga anak ni Israel, pinaagi sa pagdani kanila sa pagkaon sa mga hinalad ngadto sa mga larawan ug sa paghimo ug salawayong pakighilawas.