Numeros 22:36

Ang Biblia 2011

Sa pagkadungog ni Balak nga si Balaam nagsingabot na, migula siya sa pagtagbo kaniya didto sa lungsod sa Moab nga diha sa utlanan sa Arnon nga mao ang kinutoban sa mga utlanan.

Cross References

Genesis 14:17

Sa iyang pagpauli gikan sa iyang pagbuntog kang Chedorlaomer ug sa mga hari nga iyang kaabin, ang hari sa Sodoma misugat kaniya didto sa walog sa Sabe, ang Walog sa Hari.

Genesis 18:2

Giyahat niya ang iyang mga mata, ug mitan-aw siya ug nakita niya nga dihay tulo ka tawo nga nagtindog atbang kaniya, ug sa iyang pagkakita kanila, midagan siya gikan sa pultahan sa iyang tolda aron sa pagtagbo kanila ug siya mihapa sa yuta.

Genesis 46:29

Ug gipaandam ni Jose ang iyang sakyanan ug miadto siya sa pagdawat kang Israel nga iyang amahan didto sa Gosen. Unya nagpaila siya sa iyang kaugalingon ngadto kang Jacob ug migakos sa liog sa iyang amahan ug mihilak sa igo nga kadugayon.

Exodo 18:7

Si Moises migula sa pagsugat sa iyang ugangan ug miyukbo siya ug mihalok kaniya, ug nagpangutan-anay ang usa ug usa sa mga kaayohan nila ug misulod sila sa tolda.

Isaias 16:2

Sama sa mga naglupadlupad nga langgam, sama sa nagkatibulaag nga mga kuyabog, mao usab ang mga anak nga babaye sa Moab diha sa mga tabokanan sa Arnon.

Jeremias 48:20

Ang Moab nahiagom sa kaulawan, kay nagun-ob kini; pagminatay ug hilak! Isugilon kini pinaagi sa Arnon, nga ang Moab gilaglag na.

Numeros 22:35

Ug ang anghel sa Ginoo miingon kang Balaam, “Kuyog sa mga tawo apan ang pulong lamang nga ipasulti nako kanimo maoy imong isulti.” Busa si Balaam mikuyog sa mga pangulo ni Balak.

Numeros 22:37

Ug si Balak miingon kang Balaam, “Wala ba ako magsugo ngadto kanimo sa pagtawag kanimo? Nganong wala ka man moanhi kanako? Dili ba ako makahimo sa pagpasidungog kanimo?”

Mga Buhat 28:15

Ug ang mga kaigsoonan didto, sa ilang pagkadungog mahitungod kanamo, miadto hangtod sa Taboan ni Apio ug sa Tulo ka Abotanan aron sa pagsugat kanamo. Ug sa iyang pagkakita kanila, si Pablo nagpasalamat sa Dios ug nadasig.

Deuteronomio 2:24

‘Panindog kamo, padayon sa inyong panaw ug panglabang sa suba sa Arnon. Tan-awa, gihatag nako sa imong kamot si Sihon nga Amorihanon, ang hari sa Hesbon ug ang iyang yuta. Sugdi ninyo ang pagpanag-iya niini ug pakig-away kamo batok kaniya sa gubat.

Deuteronomio 3:8

Busa gikuha nato niadtong panahona ang yuta gikan sa kamot sa duha ka hari sa mga Amorihanon nga nagpuyo niini tabok sa Jordan, gikan sa walog sa Arnon hangtod sa Bukid sa Hermon

Mga Maghuhukom 11:18

Unya sila mipanaw sa kamingawan ug milibot sa yuta sa Edom ug sa yuta sa Moab ug miabot sa silangan nga dapit sa yuta sa Moab ug nagkampo sa pikas daplin sa Arnon, apan wala sila mosulod sa kayutaan sa Moab, kay ang Arnon mao ang utlanan sa Moab.

1 Samuel 13:10

Sa pagkahuman niya ug halad sa halad nga sunogon, si Samuel miabot ug si Saul migula aron sa pagtagbo kaniya, ug paghatag kaniya ug katahoran.