Numeros 22:32

Ang Biblia 2011

Ug ang anghel sa Ginoo miingon kaniya, “Nganong gibunalan man nimo ang imong asno sa tulo na ka higayon? Tan-awa, ako mianhi sa pagsanta kanimo, kay ang imong dalan sukwahi sa atubangan nako.

Cross References

Salmo 145:9

Ang Ginoo maayo sa tanan ug ang iyang kaluoy anaa sa ibabaw sa tanan niyang mga binuhat.

Salmo 147:9

Iyang gihatagan ang mga mananap sa ilang pagkaon, ug sa mga kuyabog sa mga uwak nga nag-iyagak.

Salmo 36:6

Ang imong pagkamatarong sama sa kabukiran sa Dios, ang imong mga paghukom sama sa usa ka dakong kahiladman; ang tawo ug mananap imong giluwas, O Ginoo.

Mga Panultihon 14:2

Siya nga naglakaw diha sa katarong nahadlok sa Ginoo, apan siya nga malimbongon sa iyang mga pamaagi nagtamay kaniya.

Mga Panultihon 16:2

Ang tanang mga pamaagi sa tawo putli diha sa iyang kaugalingong mga mata, apan ang Ginoo nagtimbang sa espiritu.

Mga Panultihon 28:18

Siya nga naglakaw diha sa kaligdong ipalingkawas, apan siya nga hiwi ang mga pamaagi kalit rang mahulog.

Mga Panultihon 28:6

Maayo pa ang kabos nga tawo nga naglakaw diha sa iyang kaligdong, kay sa tawo nga dato nga sukwahi diha sa iyang mga pamaagi.

Jonas 4:11

Ug dili ba diay nako kaluy-an ang Ninibe, ang dakong siyudad, diin adunay kapin sa 120,000 ka tawo nga dili gani makaila sa ilang tuo nga kamot gikan sa ilang wala nga kamot, ug usab daghan ug kahayopan?”

Miqueas 6:5

O akong katawhan, hinumdomi unsa ang gilaraw ni Balak nga hari sa Moab, ug kon unsa ang gitubag kaniya ni Balaam nga anak ni Beor ug unsa ang nahitabo gikan sa Sitim ngadto sa Gilgal, aron kamo mahibalo sa pagkamatarong sa Ginoo.”

Numeros 22:20

Ug ang Dios miadto kang Balaam sa pagkagabii ug miingon kaniya, “Kon manganhi ang mga tawo sa pagtawag kanimo, tindog ug uban kanila, apan ang isugo lamang nako kanimo maoy imong buhaton!”

Numeros 22:22

Apan ang kasuko sa Dios misilaob kay miadto man siya ug ang anghel sa Ginoo mitindog diha sa dalan ingon nga kaaway niya. Unya siya nagsakay sa iyang asno ug ang iyang duha ka sulugoon uban kaniya.

Numeros 22:28

Ug gipabuka sa Ginoo ang baba sa asno ug kini miingon kang Balaam, “Unsa bay akong nabuhat kanimo nga gibunalan man ako nimo niining tulo na ka higayon?”

Numeros 22:33

Ug ang asno nakakita kanako ug milikay siya sa atubangan nako sa tulo ka higayon. Kon wala pa siya molikay gikan kanako, karon gipatay ko na unta ikaw ug siya pasagdan nga buhi.”

Numeros 22:35

Ug ang anghel sa Ginoo miingon kang Balaam, “Kuyog sa mga tawo apan ang pulong lamang nga ipasulti nako kanimo maoy imong isulti.” Busa si Balaam mikuyog sa mga pangulo ni Balak.

Mga Buhat 13:10

ug miingon, “Ikaw nga anak sa yawa, ikaw nga kaaway sa tanang pagkamatarong, puno sa tanang limbong ug kadaotan, dili ka ba mohunong sa pagtuis sa mga tul-id nga dalan sa Ginoo?

Deuteronomio 23:4

Kay sila wala motagbo kaninyo nga uban ug pan ug tubig diha sa dalan, sa dihang mibiya kamo sa Ehipto ug kay nagsuhol sila batok kaninyo kang Balaam nga anak ni Beor sa Petor sa Mesopotamia aron siya magtunglo kaninyo.

Deuteronomio 25:4

“Ayaw sampongi ang baba sa baka kon maggiok kini.