Numeros 22:23

Ang Biblia 2011

Unya ang asno nakakita sa anghel sa Ginoo nga diha sa dalan, nagkupot ug espada diha sa iyang kamot ug ang asno mitipas sa dalan ug miadto sa uma. Busa gibunalan ni Balaam ang asno aron sa pagpabalik niini sa dalan.

Cross References

2 Mga Hari 6:17

Unya si Eliseo nag-ampo ug miingon, “O Ginoo, ako nag-ampo kanimo, bukha ang iyang mga mata aron siya makakita.” Ug gibuka sa Ginoo ang mga mata niadtong batan-ong lalaki, ug siya nakakita nga ang bukid napuno sa mga kabayo ug mga karwahi nga kalayo nga naglibot kang Eliseo.

1 Cronicas 21:16

Unya giyahat ni David ang iyang mga mata ug nakita ang anghel sa Ginoo nga nagtindog taliwala sa yuta ug sa langit, ug sa iyang kamot dihay espada nga gibakyaw paingon sa Jerusalem. Unya si David ug ang mga kadagkoan nga nagsul-ob ug sako mihapa.

Jeremias 8:7

Bisan ang talabon sa kalangitan nahibalo sa iyang mga panahon; ug ang tukmo, ang sayaw ug ang lapay nagbantay sa panahon sa ilang pag-abot; apan ang akong katawhan wala mahibalo sa tulumanon sa Ginoo.

Daniel 10:7

Ug ako, si Daniel, mao lamang ang nakakita sa panan-awon kay ang mga tawo nga uban kanako wala makakita sa panan-awon, hinuon ang usa ka dakong pagkurog midangat kanila, ug sila nanagan aron sa pagtago sa ilang kaugalingon.

Numeros 22:22

Apan ang kasuko sa Dios misilaob kay miadto man siya ug ang anghel sa Ginoo mitindog diha sa dalan ingon nga kaaway niya. Unya siya nagsakay sa iyang asno ug ang iyang duha ka sulugoon uban kaniya.

Numeros 22:24

Unya ang anghel sa Ginoo mitindog diha sa sigpit nga agianan taliwala sa parasan nga may paril sa matag kilid.

Mga Buhat 22:9

Unya ang mga kauban nako nakakita sa kahayag, apan wala sila makabati sa tingog sa nagsulti kanako.

Josue 5:13

Sa diha nga si Josue duol na sa Jerico, iyang giyahat ang iyang mga mata ug mitan-aw ug nakita niya nga may usa ka tawo nga nagtindog sa iyang atubangan nga nagdala ug usa ka espada nga gihulbot gikan sa sakoban diha sa iyang kamot ug si Josue miduol kaniya ug miingon kaniya, “Dapig ba ikaw kanamo o sa among mga kaaway?”

2 Pedro 2:16

apan gibadlong siya tungod sa iyang kaugalingong kalapasan. Ang amang nga asno nga misulti diha sa tawhanong tingog misanta sa kabuang sa maong propeta.

Judas 1:11

Alaot sila! Kay sila naglakaw subay sa dalan ni Cain, ug tungod sa pagpanapi ilang gipatuyangan ang ilang kaugalingon ngadto sa sayop ni Balaam, ug nangalaglag diha sa pagsupil ni Korah.