Numeros 21:9

Ang Biblia 2011

Busa si Moises nagbuhat ug usa ka bitin nga bronsi ug gibutang niya sa ibabaw sa tukon ug mahitabo nga kon adunay bitin nga mopaak kang bisan kinsa, sa diha nga siya makatan-aw sa bitin nga bronsi mabuhi siya.

Cross References

2 Mga Hari 18:4

Iyang giguba ang mga habog nga dapit ug gitumpag ang mga haligi nga bato ug giputol ang Asera ug iyang gidugmok ang bitin nga bronsi nga gibuhat ni Moises, kay hangtod niadtong mga adlawa ang katawhan sa Israel nagsunog man ug insenso alang niini, ug kini gitawag ug Nehustan.

Isaias 45:22

“Dangop kanako, ug mangaluwas kamo, tanang kinatumyan sa yuta! Kay ako mao ang Dios, ug wala nay lain.

Zacarias 12:10

“Ug ibubo nako ibabaw sa balay ni David ug sa mga nagpuyo sa Jerusalem ang espiritu sa kaluoy ug sa pagpangamuyo, aron nga sa dihang motan-aw sila kaniya nga ilang giduslak, sila magsubo tungod kaniya, sama sa magsubo tungod sa bugtong niyang anak ug maghilak pag-ayo tungod kaniya, sama sa maghilak tungod sa iyang panganay nga anak.

Juan 1:29

Sa pagkasunod nga adlaw iyang nakita si Jesus nga nagpaingon kaniya ug siya miingon, “Tan-awa, ang Nating Karnero sa Dios, ang nagkuha sa sala sa kalibotan!

Juan 12:32

Ug ako, sa maisa na gikan sa yuta, magkabig sa tanang tawo ngari kanako.”

Juan 6:40

Kay ang kabubut-on sa akong Amahan mao kini, nga ang matag usa nga makakita sa Anak ug motuo kaniya makabaton sa kinabuhing dayon ug banhawon nako siya sa kataposan nga adlaw.”

Roma 1:17

Kay diha niini ang pagkamatarong sa Dios gipadayag pinaagi sa pagtuo ngadto sa pagtuo sumala sa nasulat, “Ang matarong mabuhi pinaagi sa pagtuo.”

Roma 8:3

Kay ang wala mahimo sa Balaod nga nahuyang tungod sa unod gihimo sa Dios pinaagi sa pagpadala niya sa kaugalingon niyang Anak diha sa dagway sa makasasala nga tawo ug mahitungod sa sala, gisilotan niya ang sala diha sa unod,

2 Mga Taga-Corinto 5:21

Tungod kanato si Cristo nga wala makasinati ug sala gihimo niya nga sala, aron diha kang Cristo mahimo kitang pagkamatarong sa Dios.

Mga Hebreo 12:2

nga magtutok kang Jesus, ang nagpasiugda ug ang mohingpit sa atong pagtuo. Tungod sa kalipay nga gibutang sa iyang atubangan, giantos niya ang krus sa walay pagsapayan sa kaulaw niini ug karon naglingkod siya diha sa tuo sa trono sa Dios.

1 Juan 3:8

Ang nagbuhat ug pagpakasala, iya sa yawa kay ang yawa nagpakasala man sukad pa sa sinugdan. Ang hinungdan nganong gipadayag ang anak sa Dios mao ang paglaglag sa mga binuhatan sa yawa.