Numeros 21:7

Ang Biblia 2011

Ug ang katawhan miadto kang Moises ug miingon, “Nakasala kami tungod kay kami nagsulti batok sa Ginoo ug batok kanimo. Pag-ampo sa Ginoo nga kuhaon niya ang mga bitin gikan kanamo.” Ug si Moises nag-ampo alang sa katawhan.

Cross References

Genesis 20:17

Ug si Abraham nag-ampo ngadto sa Dios ug ang Dios nag-ayo kang Abimelek ug sa iyang asawa ug sa iyang mga ulipon nga babaye nga tungod niana nanganak sila.

Genesis 20:7

Busa, karon, iuli ang babaye ngadto sa iyang bana kay siya usa ka propeta ug siya mag-ampo alang kanimo ug mabuhi ikaw. Ug kon dili nimo siya iuli, nasayod na ikaw nga mamatay gayod ikaw lakip ang tanang mga imo.”

1 Mga Hari 13:6

Ug ang hari miingon sa tawo sa Dios, “Hangyoa karon ang kaluoy sa Ginoo nga imong Dios ug iampo ako nga ang akong kamot maulian.” Ug ang tawo sa Dios mihangyo sa Ginoo ug ang kamot sa hari naulian ug nabalik kini sama sa kaniadto.

2 Mga Hari 13:4

Unya si Jehoahas nagpakiluoy sa Ginoo, ug ang Ginoo nagpatalinghog kaniya, kay nakita niya ang pagdaogdaog sa Israel, giunsa sila pagdaogdaog sa hari sa Siria.

Job 42:10

Ug giuli sa Ginoo ang tanang katigayonan ni Job sa diha nga nag-ampo siya alang sa iyang mga higala. Ug ang Ginoo naghatag kang Job ug duha ka pilo kay sa napanag-iya niya kaniadto.

Job 42:8

Busa karon, pagkuha ug pito ka torong baka ug pito ka karnero, ug adto kang Job nga akong alagad, ug paghalad kamo ug halad nga sunogon alang sa inyong kaugalingon. Ug ang akong alagad nga si Job mag-ampo alang kaninyo, kay akong dawaton ang iyang pag-ampo, nga dili ako magbuhat alang kaninyo sumala sa inyong binuang, kay kamo wala magsulti sa matarong mahitungod kanako, ingon kang Job.”

Salmo 106:23

Busa siya miingon nga laglagon niya sila— kon si Moises nga iyang pinili wala pa motindog sa atubangan niya aron sa pagpugong sa iyang kapungot, aron dili sila malaglag.

Salmo 78:34

Sa diha nga gipamatay niya sila, sila nangita kaniya; naghinulsol sila ug nagtinguha sa pagpangita sa Dios,

Exodo 10:17

Busa pasayloa ako ninyo sa akong sala sa makausa na lamang, ug pag-ampo kamo sa Ginoo nga inyong Dios nga iyang kuhaon kining kamatay nga naglaglag kanako.”

Exodo 32:11

Apan si Moises mihangyo sa Ginoo nga iyang Dios ug miingon, “O Ginoo, ngano nga nagdilaab man ang imong kaligutgot batok sa imong katawhan nga imong gikuha gikan sa yuta sa Ehipto uban sa usa ka dakong gahom ug uban sa usa ka gamhanang kamot?

Exodo 32:30

Sa pagkasunod adlaw, si Moises miingon sa katawhan, “Nakasala kamo ug usa ka dakong sala ug karon motungas ako ngadto sa Ginoo; basin ug makahimo ako ug pagtabon sa sala alang sa inyong mga sala.”

Exodo 8:28

Busa ang Paraon miingon, “Tugotan ko kamo sa paglakaw aron kamo maghalad didto sa kamingawan ngadto sa Ginoo nga inyong Dios apan ayaw kamo paglakaw ug layo kaayo. Pag-ampo kamo alang kanako.”

Exodo 8:4

Ang mga baki manungtong kanimo, sa imong katawhan ug sa tanan nimo nga mga alagad.’ ”

Exodo 8:8

Unya ang Paraon mipatawag kang Moises ug kang Aaron ug miingon, “Pag-ampo kamo ngadto sa Ginoo aron kuhaon niya ang mga baki gikan kanako ug gikan sa akong katawhan ug unya tugotan nako ang iyang katawhan sa paglakaw aron makahalad sila ngadto sa Ginoo.”

Isaias 26:16

O Ginoo, diha sa kaguol midangop sila kanimo, nagbubo sila ug pag-ampo sa diha nga ang imong kastigo anaa ibabaw kanila.

Jeremias 15:1

Unya miingon ang Ginoo kanako, “Bisan pa ug si Moises ug si Samuel mitindog sa akong atubangan, ang akong kasingkasing dili gayod molingi niini nga katawhan. Papahawaa sila gikan sa akong panan-aw ug palakta sila!

Jeremias 37:3

Unya si Hari Zedekias nagpadala kang Jehukal nga anak ni Selemias ug kang Zefanias nga pari nga anak ni Maasias ngadto kang Jeremias nga propeta, nga nag-ingon, “Pag-ampo alang kanamo ngadto sa Ginoo nga atong Dios.”

Oseas 5:15

Ako mobalik pag-usab sa akong dapit, hangtod nga sila moila sa ilang kalapasan ug mangita sa akong nawong, ug sa ilang kasakit sila mangita kanako.

Numeros 11:2

Ug ang katawhan nagpakitabang kang Moises, ug si Moises nag-ampo ngadto sa Ginoo ug napalong ang kalayo.

Mateo 27:4

Siya miingon, “Nakasala ako sa akong pagtugyan sa dugo sa tawong dili sad-an.” Apan sila miingon, “Unsa may amo niana? Imo kanang tulubagon.”

Mga Buhat 8:24

Ug si Simon mitubag, “Iampo ako ninyo sa Ginoo nga wala untay mahitabo kanako sa inyong gisulti.”

Roma 10:1

Mga igsoon, ang tinguha sa akong kasingkasing ug ang akong pag-ampo ngadto sa Dios alang kanila mao nga mangaluwas unta sila.

Deuteronomio 9:20

Ug ang Ginoo nasuko pag-ayo kang Aaron nga andam siya nga mopatay kaniya, ug nag-ampo ako alang kang Aaron niadtong panahona usab.

Santiago 5:16

Busa ngadto sa usa ug usa pagsinugiray kamo sa inyong mga sala ug pag-ampo kamo alang sa usa ug usa, aron kamo mangaayo. Ang pag-ampo sa tawong matarong dako ug kahimoan.

1 Samuel 15:24

Unya si Saul miingon kang Samuel, “Ako nakasala kay ako nakalapas sa sugo sa Ginoo ug sa iyang mga pulong, tungod kay ako nahadlok sa katawhan ug nagtuman sa ilang tingog.

1 Samuel 15:30

Unya siya miingon, “Ako nakasala apan pasidunggi ako karon sa atubangan sa mga kadagkoan sa akong katawhan ug sa atubangan sa Israel, ug balik uban kanako aron ako mosimba sa Ginoo nga imong Dios.”