Numeros 21:4

Ang Biblia 2011

Gikan sa Bukid sa Hor mipanaw sila, agi sa dalan sa Dagat nga Pula aron sa paglibot sa yuta sa Edom, apan ang katawhan naupsan sa pailob diha sa dalan.

Cross References

2 Mga Hari 3:8

Unya siya miingon, “Asa man kita moagi?” Ug si Jehoram mitubag, “Sa agianan sa kamingawan sa Edom.”

Exodo 6:9

Si Moises misulti sa ingon ngadto sa katawhan sa Israel apan wala sila mamati kang Moises tungod sa ilang kaluya sa espiritu ug tungod sa ilang pintas nga kaulipnan.

Numeros 14:25

Karon, ang mga Amalekanhon ug ang mga Canaanhon nagpuyo diha sa mga walog, ugma balik kamo ug adto sa kamingawan agi sa dalan padulong sa Dagat nga Pula.”

Numeros 20:27

Ug si Moises mibuhat niini sumala sa sugo kaniya sa Ginoo ug nanungas sila sa Bukid sa Hor diha sa panan-aw sa tibuok nga katilingban.

Numeros 32:7

Ug ngano nga luyahon man ninyo ang kasingkasing sa katawhan sa Israel sa pagtabok ngadto sa yuta nga gihatag sa Ginoo kanila?

Numeros 32:9

Kay sa diha nga sila miadto sa Walog sa Escol ug nakita ang yuta, ilang gipaluya ang kasingkasing sa katawhan sa Israel aron sila dili mosulod sa yuta nga gihatag sa Ginoo kanila.

Numeros 33:41

Unya mibiya sila gikan sa bukid sa Hor ug nagkampo didto sa Zalmona.

Mga Buhat 14:22

nga naglig-on sa mga kalag sa mga tinun-an, nagdasig kanila sa pagpadayon diha sa pagtuo, ug nagsulti nga kinahanglang mosulod kita ngadto sa gingharian sa Dios latas sa daghang mga kasakit.

Deuteronomio 1:40

Apan mahitungod kaninyo, pamalik kamo ug lakaw ngadto sa kamingawan paingon sa Dagat nga Pula.’

Deuteronomio 2:1

“Unya mibalik kita ug mipanaw padulong sa kamingawan paingon sa Dagat nga Pula sumala sa giingon sa Ginoo kanako ug sulod sa daghang mga adlaw gilibot nato ang bukid sa Seir.

Mga Maghuhukom 11:18

Unya sila mipanaw sa kamingawan ug milibot sa yuta sa Edom ug sa yuta sa Moab ug miabot sa silangan nga dapit sa yuta sa Moab ug nagkampo sa pikas daplin sa Arnon, apan wala sila mosulod sa kayutaan sa Moab, kay ang Arnon mao ang utlanan sa Moab.