Numeros 21:35

Ang Biblia 2011

Busa sila mipatay kaniya ug sa iyang mga anak nga lalaki ug sa tanan niyang katawhan, hangtod nga walay usa nga nahibilin kaniya ug sila nanag-iya sa iyang kayutaan.

Cross References

Numeros 32:4

ang kayutaan nga gilaglag sa Ginoo sa atubangan sa katilingban sa Israel usa ka yuta alang sa kahayopan, ug ang imong mga sulugoon adunay kahayopan.”

Roma 8:37

Dili! Hinuon diha niining tanang mga butang kita labaw pa sa mga mananaog pinaagi kaniya nga nahigugma kanato.

Deuteronomio 2:12

Ang mga Horihanon nagpuyo usab kaniadto sa Seir apan giilogan sila sa mga anak ni Esau ug gilaglag sila sa atubangan nila ug mipuyo sila sa maong dapit puli kanila, sama sa gibuhat sa Israel sa yuta nga panulundon nga gihatag kanila sa Ginoo.)

Deuteronomio 31:4

Ug ang Ginoo maghimo ngadto kanila sama sa gibuhat niya kang Sihon ug kang Og, mga hari sa mga Amorihanon, ug ngadto sa yuta nila sa dihang gilaglag niya sila.

Deuteronomio 4:46

sa tabok sa Jordan didto sa walog atbang sa Bet-peor, sa yuta ni Sihon nga hari sa mga Amorihanon nga nagpuyo sa Hesbon, nga gilaglag ni Moises ug sa mga anak ni Israel, sa paggula nila gikan sa Ehipto.

Deuteronomio 4:47

Ug gikuha nila ang yuta niya ug ang yuta ni Og nga hari sa Basan, ang duha ka hari sa mga Amorihanon nga nagpuyo sa silangang bahin sa Jordan,

Josue 13:12

ang tibuok gingharian ni Og sa Basan, nga naghari sa Astarot ug sa Edrei (siya lamang ang nahibilin sa mga salin sa mga Refahanon). Kini sila mao ang gilaglag ni Moises ug gihinginlan.

Mga Maghuhukom 10:11

Ug ang Ginoo miingon sa katawhan sa Israel, “Wala ba ako magluwas kaninyo gikan sa mga Ehiptohanon, gikan sa mga Amorihanon, gikan sa mga Amonihanon ug sa mga Filistihanon?