Numeros 21:34

Ang Biblia 2011

Apan ang Ginoo miingon kang Moises, “Ayaw kahadlok kaniya, kay ako nagtugyan na kaniya nganha sa imong kamot, ug ang tanan niyang katawhan ug ang iyang kayutaan. Ug buhaton nimo ngadto kaniya ang imong gibuhat ngadto kang Sihon nga hari sa mga Amorihanon nga nagpuyo sa Hesbon.”

Cross References

2 Samuel 5:19

Ug si David nagpakisayod sa Ginoo, “Motungas ba ako batok sa mga Filistihanon? Itugyan ba nimo sila sa akong kamot?” Ug ang Ginoo miingon kang David, “Tungas, kay itugyan gayod nako ang mga Filistihanon nganha sa imong kamot.”

1 Mga Hari 20:13

Unya dihay usa ka propeta nga miduol kang Ahab nga hari sa Israel ug miingon, “Mao kini ang gisulti sa Ginoo: Nakita ba nimo kining tibuok nga dakong panon? Tan-awa, itugyan ko kini sa imong kamot niining adlawa ug ikaw mahibalo nga ako mao ang Ginoo.”

1 Mga Hari 20:28

Unya usa ka tawo sa Dios miduol ug miingon sa hari sa Israel, “Mao kini ang gisulti sa Ginoo, ‘Tungod kay ang mga Sirianhon nag-ingon, “Ang Ginoo usa ka dios sa kabungtoran, apan dili siya dios sa mga walog,” busa itugyan nako kining dakong panon nganha sa imong kamot, ug ikaw mahibalo nga ako mao ang Ginoo.’ ”

2 Mga Hari 3:18

Usa lamang kini ka sayon nga butang sa panan-aw sa Ginoo. Itugyan usab niya ang mga Moabihanon nganha sa inyong kamot,

Isaias 41:13

Kay ako, ang Ginoo nga imong Dios, mokupot sa imong tuong kamot; ako mao ang mag-ingon kanimo, “Ayaw kahadlok; ako motabang kanimo.”

Numeros 14:9

Apan lamang, ayaw kamo pagpakigbatok sa Ginoo. Ug ayaw kahadlok sa katawhan nianang yutaa kay sila pan alang kanato. Ang ilang mga panalipod kuhaon gikan kanila, ug ang Ginoo uban kanato busa ayaw sila kahadloki.”

Numeros 32:4

ang kayutaan nga gilaglag sa Ginoo sa atubangan sa katilingban sa Israel usa ka yuta alang sa kahayopan, ug ang imong mga sulugoon adunay kahayopan.”

Deuteronomio 2:30

Apan si Sihon nga hari sa Hesbon wala mopaagi kanato sa iyang kayutaan kay ang Ginoo nga inyong Dios nagpagahi sa iyang espiritu ug nagpatig-a sa iyang kasingkasing aron iyang itugyan siya sa inyong kamot sama niining adlawa.

Deuteronomio 20:3

ug moingon kanila, ‘Pamati, O Israel, kamo moadto karon aron sa pagpakiggubat batok sa inyong mga kaaway; ayaw paluyaha ang inyong kasingkasing, ayaw kamo kahadlok o pangurog o malisang kanila,

Deuteronomio 3:1

“Unya miliko kita ug mitungas sa dalan ngadto sa Basan, ug si Og nga hari sa Basan migula batok kanato, siya ug ang tanan niyang katawhan aron sa pagpakiggubat didto sa Edrei.

Deuteronomio 3:11

(Kay si Og lamang nga hari sa Basan maoy nahibilin sa mga salin sa mga Refahanon. Ang iyang lungon usa ka higdaanan nga puthaw, wala ba kini diha sa Raba sa mga Amonihanon? Ang gitas-on niini siyam ka maniko ug ang gilapdon upat ka maniko sumala sa maniko sa lalaki.)

Deuteronomio 31:6

Pagmalig-on kamo ug pagmadasigon. Ayaw kamo kahadlok ug ayaw kamo kalisang kanila kay ang Ginoo nga inyong Dios mao ang mag-uban kaninyo, dili siya mopakyas kaninyo o mobiya kaninyo.”

Deuteronomio 7:17

“Kon moingon kamo sa inyong kasingkasing, ‘Kini nga mga nasod mas dagko pa kay kanako, unsaon man nako sa pag-ilog kanila?’

Deuteronomio 7:18

Ayaw kamo kahadlok kanila hinuon hinumdomi ang gibuhat sa Ginoo nga inyong Dios ngadto sa Paraon ug sa tibuok nga Ehipto,

Deuteronomio 7:21

Ayaw kamo kahadlok kanila kay ang Ginoo nga inyong Dios anaa sa taliwala ninyo, ang Dios nga dako ug makalilisang.

Deuteronomio 7:24

Ug iyang itugyan ang ilang mga hari nganha sa inyong mga kamot ug laglagon ninyo ang ilang ngalan gikan sa ubos sa langit. Walay bisan kinsang tawo nga makahimo pag-asdang batok kaninyo hangtod nga malaglag ninyo sila.

Josue 10:25

Ug si Josue miingon kanila, “Ayaw kamo kahadlok, ayaw kaluya. Pagmalig-on ug pagmaisogon kamo kay ingon niana ang buhaton sa Ginoo ngadto sa tanan ninyong mga kaaway nga inyong ikaaway.”

Josue 10:8

Ug ang Ginoo miingon kang Josue, “Ayaw kahadlok kanila kay gihatag ko na sila sa imong mga kamot. Walay usa kanila nga makabarog sa imong atubangan.”

Josue 8:7

Unya manindog kamo gikan sa inyong gitagoan ug iloga ninyo ang siyudad kay ang Ginoo nga inyong Dios maghatag niini nganha sa inyong kamot.

Mga Maghuhukom 11:30

Ug si Jefta naghimo ug usa ka panaad ngadto sa Ginoo ug miingon, “Kon imong itugyan ang mga Amonihanon nganhi sa akong kamot,

1 Samuel 23:4

Busa nagpakisayod pag-usab si David sa Ginoo. Ug ang Ginoo mitubag kaniya, “Tindog ug lugsong ngadto sa Keila kay itugyan nako ang mga Filistihanon nganha sa imong kamot.”