Numeros 21:25

Ang Biblia 2011

Ug ang Israel mikuha niining tanang mga lungsod ug ang Israel mipuyo diha sa tanang mga siyudad sa mga Amorihanon, didto sa Hesbon ug sa tanang mga balangay niini.

Cross References

Awit sa mga Awit 7:4

Ang imong liog sama sa usa ka tore nga tango sa elepante. Ang imong mga mata mga linaw sa Hesbon, duol sa ganghaan sa Bat-rabim. Ang imong ilong sama sa tore sa Lebanon nga naglantaw ngadto sa Damasco.

Isaias 15:4

Ang Hesbon ug ang Eleale nanghilak, ang ilang tingog nadungog hangtod sa Jahas; busa ang mga tawo sa Moab nga adunay hinagiban mitiyabaw ug kusog, ang iyang kalag nagkurog.

Jeremias 48:2

nahanaw na ang kabantog sa Moab. Sa Hesbon naglaraw sila ug daotan batok kaniya, ‘Dali, pukanon nato siya gikan sa iyang pagkanasod!’ Ikaw usab, O Madmen, pahilumon; ang espada maggukod kanimo.

Jeremias 48:34

“Mituaw ang Hesbon ug ang Eleale; hangtod sa Jahas sila nagpagula sa ilang mga tingog, gikan sa Zoar ngadto sa Horanaim ug sa Eglat-selishiya. Kay ang katubigan usab sa Nimrim nahimong biniyaan.

Jeremias 48:45

“Sa landong sa Hesbon ang mga kagiw mihunong nga walay kusog; kay ang usa ka kalayo migula gikan sa Hesbon, usa ka siga gikan sa balay ni Sihon; kini milaglag sa agtang sa Moab, ang korona sa mga anak sa kagubot.

Ezequiel 16:46

Ug ang imong magulang nga babaye mao ang Samaria, nga nagpuyo uban sa iyang mga anak nga babaye dapit sa amihanan nimo. Ug ang imong manghod nga babaye nga nagpuyo dapit sa habagatan mao ang Sodoma uban sa iyang mga anak nga babaye.

Ezequiel 16:49

Mao kini ang kasal-anan sa imong igsoon nga Sodoma: siya ug ang iyang mga anak nga babaye adunay garbo, nanubra nga pagkaon ug mauswagong kasayon, apan wala motabang sa kabos ug sa nanginahanglan.

Ezequiel 16:53

“Ug ipahiuli nako ang maayong kahimtang sa Sodoma ug sa iyang mga anak nga babaye, ug ang maayong kahimtang sa Samaria ug sa iyang mga anak nga babaye, ug ipahiuli nako ang inyong maayong kahimtang taliwala kanila,

Amos 2:10

Gikuha ko usab kamo gikan sa yuta sa Ehipto, ug ako nagdala kaninyo sulod sa 40 ka tuig didto sa kamingawan, aron sa pagpanag-iya sa yuta sa Amorihanon.

Numeros 21:26

Kay ang Hesbon mao ang lungsod ni Sihon nga hari sa mga Amorihanon nga nakiggubat batok sa miaging hari sa Moab ug nagkuha sa tanan niyang kayutaan gikan sa iyang kamot bisan hangtod sa Arnon.

Numeros 21:31

Busa mipuyo ang Israel didto sa yuta sa mga Amorihanon.

Numeros 32:3

“Ang Atarot, ang Dibon, ang Jaser, ang Nimra, ang Hesbon, ang Eleale, ang Sebam, ang Nebo ug ang Beon,

Deuteronomio 2:12

Ang mga Horihanon nagpuyo usab kaniadto sa Seir apan giilogan sila sa mga anak ni Esau ug gilaglag sila sa atubangan nila ug mipuyo sila sa maong dapit puli kanila, sama sa gibuhat sa Israel sa yuta nga panulundon nga gihatag kanila sa Ginoo.)

Josue 24:8

Unya gidala nako kamo ngadto sa yuta sa mga Amorihanon nga nagpuyo sa pikas daplin sa Jordan. Nakig-away sila kaninyo ug gihatag nako sila sa inyong mga kamot ug gipanag-iya ninyo ang ilang yuta ug gilaglag nako sila sa inyong atubangan.

Mga Maghuhukom 11:26

Samtang ang Israel nagpuyo pa sa Hesbon ug sa mga balangay niini, sa Aroer ug sa mga balangay niini ug sa tanang mga siyudad nga anaa duol sa daplin sa Arnon, tulo ka gatos ka tuig, busa nganong wala man ninyo bawia sila sulod niadtong panahona?